Juan 6:42 - Ing Mayap a Balita Biblia

⁴² Sinabi ra, Aliwa iti i Jesus a anak nang Jose? Kakilala ta ya i tata na at ima na! Makananu nang asabing tinipa yang ibat banua?

Juan 6:42 Iomraidhean Croise

Marcos 6:3

E wari ya ing kalpinterung anak nang Maria, at kapatad da ri Santiago, Jose, Judas, at Simon? At ding kapatad nang babai e ta la wari kayabe-abe keti? At e la meniwala kang Jesus.

Lucas 4:22

Ikua na la ngan kapanamdaman at pigmulalan da ing sintingan na ning sinabi na. Ngara, Aliwa wari iti ing anak nang Jose?

Juan 1:45

Penintun neng Felipe i Nathanael at ngana keya inyang ikit ne, Atagpuan mi ya itang mababanggit king libru na ning Kautusan a sinulat nang Moises at mababanggit munaman karing kasulatan da ring propeta: i Jesus ning Nazaret a anak nang Jose.

Juan 3:13

Ala pang miyukiat king banua subali mu ing Anak ning Tau a tinipang ibat banua.

Juan 6:38

uling tinipa kung ibat banua e ban daptan ing sarili kung kaburian, nune ing kaburian na nitang mitubud kanaku.

Juan 6:43

Mekibat ya i Jesus, E na kayu mibubulungan.

Juan 6:62

O nung akit ye pa ing Anak ning Tau a magbalik king kabilianan na king minuna?

Roma 9:5

ila ding meging lahi ding pikabaluan a Hebreong penibatan da, at ing Cristo, king pangatau na, ibat ya king karelang lahi. Mipuri yang alang kapupusan ing Dios a mag-ari king sabla-sabla! Amen.

1 Corinto 15:47

Melalang ya ing minunang Adan king alikabuk na ning yatu; ing kaduang Adan ibat ne man king banua.

Galacia 4:4

Oneng inyang miras na ing mituldung panaun, tinubud ne ning Dios ing Anak na. Mibait ya king metung a babai, at mibiebie ya lalam nang upaya ning Kautusan da ring Judio,