Juan 6:41 - Ing Mayap a Balita Biblia

⁴¹ Mibubulungan la ding Judio uling sinabi na, Aku ing tinape a tinipa ibat banua.

Juan 6:41 Iomraidhean Croise

Lucas 15:2

Mibubulungan la ding Pariseo at ding talaturu ning Kautusan. Ngara, Makisalamuha ya ing taung iti at makisulu karing makasalanan!

Lucas 19:7

Mibubulungan la ding sablang menakit king mepalyari. Ngara, Makipagbisita ya king metung a makasalanan!

Lucas 5:30

Bubulung la ding mapilan a Pariseo at talaturu ning Kautusan at ngarang mengutang karing alagad na, Baket makipangan kayu at makipaninum karing talapanyingil buis at palpikasala?

Juan 1:19

Iti ing patutu nang Juan kanitang mitubud lang pari at Levita ding Judio ning Jerusalem ban ikutang da keya: Ninu ika?

Juan 6:33

Uling ing tinape a babie na ning Dios ya itang titipang ibat banua at babie yang bie king yatu.

Juan 6:43

Mekibat ya i Jesus, E na kayu mibubulungan.

Juan 6:48

Aku ing tinape ning bie.

Juan 6:58

Iti ya ing tinapeng tinipa ibat banua. E ya anti king pengan ding makatua yu. Mengan la, oneng kaybat mete la. Ing mamangan king tinapeng iti mie ya kapilan man.

Juan 6:60

Ngara ding dakal karing alagad na inyang dimdam da iti, Masakit ing sasabian na. Ninu ing makatanggap kanyan?

Juan 6:66

Manibat na kanita dakal na la karing alagad na ding ginulut at e na mekiabe kang Jesus.

Juan 7:12

At misisitsitan la ding dakal a tau tungkul kang Jesus. Ngara ding aliwa, Mayap yang tau. Ali ya, uling lilili na la deng tau, ngara naman ding aliwa pa.

1 Corinto 10:10

E kayu kailangan magreklamu antimo ing depat da ring mapilan karela, at pete na la ning Kamatayan.

Judas 1:16

Bubulung lang bubulung at mamarsala karing aliwa; depat da ing e mayap dang kapagnasan; mayabang la pa at masanting magsalita karing tau ba rang akua ing buri da.