Juan 6:39 - Ing Mayap a Balita Biblia

³⁹ Iti ya ing kaburian na nitang mitubud kanaku: king e ku kabatingan agyang metung mu karing sablang binie na kanaku, nune pasublian ku la ngan mie king tauling aldo.

Juan 6:39 Iomraidhean Croise

Jeremias 23:4

Tuldu kung pamuntuk a manibala karela. E na la pasibayung mitakutan ding taung kanakung pinili o galgal man at e ku na la pasibayung parusan. Aku, ing Ginu, ing migsalita.

Mateo 10:15

Ing katutuan sasabian ku kekayu, king Aldo ning Pamanukum lalung mabayat ing parusang miras karing tau king lugal a ita kesa king miras karing tau Sodoma at Gomorra!

Mateo 18:14

Makanyan munaman ing kaburian na ning Ibpa yung atyu banua: king e ya sa malilili ing metung man karing malating deti.

Lucas 12:32

E kayu tatakut, malating kawan, uling ikakatula na ning Ibpa yu ing ibie ne kekayu ing Kayarian.

Juan 12:48

Ating matul king ninumang e tanggap kanaku at karing amanu ku. Ing amanung sinabi ku ya ing matul keya king tauling aldo!

Juan 17:12

Kabang kayabe da ku iningat ku la king kapamilatan na ning upaya ning lagyu mu, ing lagyung binie mu kanaku. Iningat ku la at metung man karela alang mebating, subali mu king metung a kusang lub a migpakabating ban matupad ya ing kasulatan.

Juan 17:2

Uling dininan meng upayang sumakup karing sablang tau ban munie bie alang angga karing sablang binie mu keya.

Juan 17:24

Ibpa, buri ku king nung nu ku karin kayabe ku la ding binie mu kanaku ban akit da ing binie mung kaligayan kanaku, uling liguran mu na ku bayu ya melalang ing yatu.

Juan 17:6

Pepakilala da ka karing taung binie mu kanaku ibat king yatung iti. Keka la, binie mu la kanaku, at tiparan da ing amanu mu.

Juan 17:9

Ipanalangin ku la. Manalangin ku e para king yatu, nune para karing binie mu kanaku uling keka la.

Juan 18:9

Sinabi na iti ban matupad itang amanu na, Alang mabating metung man karing binie mu kanaku, Ibpa.)

Juan 5:28

E yu pagmulalan iti; uling daratang na ing oras nung kapilan ding sablang atyu karing kutkutan damdaman da ing siwala na

Juan 6:37

Lumapit la kanaku ding sablang babie na ning Ibpa kanaku at e ke tanggian ing ninumang lumapit kanaku,

Juan 6:40

Uling iti ya ing kaburian nang Ibpa ku: ing balang metung a manakit king Anak at maniwala keya mika bie yang alang angga at pasublian keng mie king tauling aldo.

Juan 6:44

Alang makalapit kanaku subali mu nung ilapit ne ning Ibpang mitubud kanaku at pasublian keng mie king tauling aldo.

Juan 6:54

Ing mangan king laman ku at minum king daya ku atin yang bie alang angga, at pasublian keng mie king tauling aldo.

Roma 8:11

Nung ing Espiritu na ning Dios a pepasubling mie kang Jesus, manuknangan ya kekayu, ing pepasubling mie kang Cristo pasublian na la namang mie ding katawan yung malalaso kapamilatan na ning Espiritu nang manuknangan kekayu.

1 Corinto 6:14

Pepasublian neng mie ning Dios ing Ginu ibat king kamatayan, at pasublian na katamu namang mie king kapamilatan na ning upaya na.

2 Timoteo 2:19

Oneng ing matibe pundasyun a telakad na ning Dios e ya malyaring magalo at mitatakan yang anti kanini: Balu na la ning Dios ding bandi na at Ing balang mamaus king lagyu na ning Ginu kailangan yang gumulut king pamaniapat e mayap.

Santiago 5:15

Iligtas ne ing masakit ning panalangin a bunga na ning kasalpantayanan. Ibangun ne ning Ginu at nung atin yang kasalanan mipatawaran la naman.

1 Pedro 1:5

Makapanaya iti para kekayu, ikayung liligtas na ning upaya ning Dios king kapamilatan na ning kasalpantayanan kabang panenayan yu itang kaligtasan a makasadiang mipakilala king kawakasan na ning panaun.

Judas 1:1

Ibat ya iting sulat kang Judas, ing talasuyu nang Jesu-Cristo at kapatad nang Santiago. Miparala ya karing sablang inaus na ning Dios, ding mabibie king lugud na ning Dios Ibpa at king saup nang Jesu-Cristo.

1 Samuel 25:29

Nung sakaling atin taung bisang makamate kekayu, e na paintulut ning Ginu ing milako kayu karing taung ingatan na bie. Nune ing bie ra ding kekayung kalaban maging kalupa lang batung paniradol.