Juan 6:32 - Ing Mayap a Balita Biblia

³² Nganang mekibat Jesus, Ing katutuan sasabian ku kekayu: aliwa i Moises ing minie kekayu king tinapeng ibat banua; nune ing Ibpa ku ya ing babie king tune tinape a ibat banua.

Juan 6:32 Iomraidhean Croise

Ding Dalit 78:23

Makanyan man ing Ginu minutus ya king biga, at inutus nang ibuklat lang pasbul ning banua.

Exodo 16:4

Ngana ning Ginu kang Moises, Pauran kung tinape ibat banua para kekayu ngan. Sukat lang lage aldo-aldo ding tau, at tumipun ketang sapat para king balang aldo. King anti kaniting paralan ku la asubukan at akit nung balu rang tukian ing kanakung panabilin.

Exodo 16:8

Ngana pang Moises, Ing Ginu ya ing munie karni kekayu neng sisilim at munie tinape kekayu neng abak anggang bisa kayu, uling dimdam na nung nu anti karagul ing pamagreklamu yu. Neng magreklamu kayu laban kekami, king Ginu kayu tune magreklamu at e kekami.

Juan 1:9

Iti ya ing tune sala a daratang king yatu ban munie sala karing sablang tau.

Juan 15:1

Aku ing tune tanaman a ubas at ing Ibpa ku ya ing mananaman.

Juan 6:31

Mengan lang manna king disyerto ding makatua mi. Agpang king kasulatan, Dininan na lang tinape ibat banua ban apangan da.

Juan 6:33

Uling ing tinape a babie na ning Dios ya itang titipang ibat banua at babie yang bie king yatu.

Juan 6:35

Nganang Jesus karela, Aku ing tinape ning bie. E ya dumanup kapilan man ing lumapit kanaku at e ya kumaung danum kapilan man ing maniwala kanaku.

Juan 6:41

Mibubulungan la ding Judio uling sinabi na, Aku ing tinape a tinipa ibat banua.

Juan 6:50

Oneng ing amanuan ku ya itang tinape a ibat banua; ing ninumang mangan kaniti e ya mate.

Juan 6:55

Uling ing laman ku tune yang pamangan at ing kanakung daya tune yang inuman.

Juan 6:58

Iti ya ing tinapeng tinipa ibat banua. E ya anti king pengan ding makatua yu. Mengan la, oneng kaybat mete la. Ing mamangan king tinapeng iti mie ya kapilan man.

Galacia 4:4

Oneng inyang miras na ing mituldung panaun, tinubud ne ning Dios ing Anak na. Mibait ya king metung a babai, at mibiebie ya lalam nang upaya ning Kautusan da ring Judio,

1 Juan 5:20

At balu tamu king dinatang ya keti king yatu ing Anak ning Dios at dininan na katamung pamanalastas ban akilala ta ya ing Dios a tutu, at king itamu atyu tamu king Dios a tutukayabe nang Jesu-Cristo a Anak na. Ya ing Dios a tutu at ya ing bie alang angga.