Juan 6:2 - Ing Mayap a Balita Biblia

² Tikian de ring dakal a tau uling ikit da la ring milagrung depat na king pamanulu karing masakit.

Juan 6:2 Iomraidhean Croise

Mateo 12:15

Inyang abalitan nang Jesus iti, meko ya king lugal a ita; at dakal lang tau ding tinuki kang Jesus. Pepakayap na la ngan ding masakit

Mateo 13:2

Pilupungan de ring dakal a tau, inya sinake ya king metung a bangka at karin ya linukluk. Pakatalakad la ding tau king pampang.

Mateo 14:14

Inyang kuldas ya king bangka i Jesus, ikit na la ding tutung dakal a tau. Melunus ya karela at pepakayap na la ding masakit.

Mateo 8:1

Inyang kuldas ne i Jesus king bunduk-bundukan, tikian de ring dakal a tau.

Marcos 1:45

Oneng meko ya at pemalita na ing milyari. Uli na nita, e ne milub hayagan i Jesus king balen. Makagyu na mu ing atyu king lual na ning balen, karing lugal a tahimik at karin de pagsarian ding taung manibat karing miyayaliwang lugal.

Marcos 6:33

Oneng dakal la ding menakit king karelang paglako at akilala ra la. Inya ibat karing sablang balen, mirarapal lang minta ding tau king direksyun a pupuntalan nang Jesus at ding alagad na, at minuna la pang miras karin kesa karela.

Juan 11:47

Inya ding Pariseo ampon ding pamuntuk da ring pari inawad dang mipulung ya ing Sanhedrin. Ngarang kinutang, Nanu ing daptan tamu? Darapat yang dakal a milagru ing taung iti!

Juan 12:18

Iti ya ing sangkan nung inya selubungan de i Jesus ding dakal a tau; abalitan da king ya ing dinapat kaniting milagru.

Juan 12:37

Agyang dakal ing milagrung depat na king akakit da, makanyan man e la meniwala keya.

Juan 2:11

Iti milyari karin Cana, Galilea; iti ya ing mumunang milagru a depat nang Jesus. Karin na pepakit ing kayupayan na at iti meging dalan ne ning pamaniwala ra keya ding alagad na.

Juan 2:23

Kanitang atyu Jerusalem i Jesus king Piesta ning Pamaglagpus, dakal lang tau ding meniwala keya inyang ikit da la ring makapagmulalang tanda a depat na.

Juan 20:30

Ginawa yang dakal at miyayaliwa pang milagru i Jesus king akakit da ring alagad na, oneng e la makasulat keting libru.

Juan 3:2

Misan a bengi, iting lalaki minta ya kang Jesus. Ngana kang Jesus, Maestro, balu mi king metung kang talaturu a menibat king Dios, uling alang makagawa karing milagrung daraptan mu subali mu nung mamantabe ya keya ing Dios.

Juan 6:14

Ngarang sinabi inyang ikit da ring tau ing milagrung depat na, Tune pin ya ing Propeta a datang keti king yatu!

Juan 6:22

Kabukasan, ikit da ring dakal a taung menatili king kangatba na ning dagat-dagatan king metung ya mu ing bangkang atyu karin. Balu ra king e ya sinake i Jesus king bangkang seken da ring alagad na, nune ding alagad na ila mung meko.

Juan 6:26

Nganang mekibat, Ing katutuan sasabian ku kekayu: panintunan yu ku e uling ikit yu la ding depat kung milagru, nune uling mengan kayu at kinabsi karing tinape.

Juan 6:30

Ngara kang Jesus, Nanu ing milagrung arapat mu ban akit mi at maniwala kami keka? Nanu ing kekang daptan?