Juan 6:14 - Ing Mayap a Balita Biblia

¹⁴ Ngarang sinabi inyang ikit da ring tau ing milagrung depat na, Tune pin ya ing Propeta a datang keti king yatu!

Juan 6:14 Iomraidhean Croise

Genesis 49:10

E ya mako misan man ing setro kang Juda ni ing simbulu ning kayupayan na. Angga king datang ya itang talan king setro mu a sukat dang pamintuan ding tau.

Mateo 11:3

Ngarang kinutang kang Jesus, Sabian yu na mo kekami nung ikayu itang datang a amanuan nang Juan o kailangan ke pang manayang aliwa?

Mateo 21:11

Iti ya i Jesus, ing propetang ibat Nazaret, Galilea, ngarang mekibat ding keraklan.

Lucas 24:19

Nganang kinutang, Nanung bage? Pekibat da, Ding bage mepalyari kang Jesus ning Nazaret, ing propetang mayupaya king dapat at amanu king arapan na ning Dios at ding sablang tau.

Lucas 7:16

Mitakutan la ding sabla at pinuri de ing Dios. Ngara, Linto ya libutad tamu ing metung a maragul a propeta! Dinatang ya ing Dios ba neng iligtas ing balen na!

Juan 1:21

Kitnan deng pasibayu, Nung makanyan, ninu ika? Ika i Elias? Pekibat nang Juan, Aliwa aku. Kitnan da ne naman, Ika ing Propetang panenayan me? Aliwa, nganang mekibat Juan.

Juan 11:27

Nganang mekibat, Wa, Ginu, paniwalan ku king ika ing Cristo, ing Anak ning Dios a datang keti king yatu.

Juan 2:11

Iti milyari karin Cana, Galilea; iti ya ing mumunang milagru a depat nang Jesus. Karin na pepakit ing kayupayan na at iti meging dalan ne ning pamaniwala ra keya ding alagad na.

Juan 4:19

Ngana ning babai, Aintindian ku, ginu, king metung kang propeta.

Juan 4:25

Ngana ning babai, Balu ku king ing Mesiya, ing ausan dang Cristo, datang ya. Paniatang na, ipabalu na kekatamu ing sablang bage.

Juan 4:42

Ngara king babai, Ngeni maniwala kami e king uli na ning sinabi mu, nune uling ikami mismu dimdam mi ya at abalu mi king ya ing tune Talapagligtas ning yatu.

Juan 6:2

Tikian de ring dakal a tau uling ikit da la ring milagrung depat na king pamanulu karing masakit.

Juan 6:26

Nganang mekibat, Ing katutuan sasabian ku kekayu: panintunan yu ku e uling ikit yu la ding depat kung milagru, nune uling mengan kayu at kinabsi karing tinape.

Juan 6:30

Ngara kang Jesus, Nanu ing milagrung arapat mu ban akit mi at maniwala kami keka? Nanu ing kekang daptan?

Juan 7:40

Dakal la ding taung mekaramdam kaniti at sinabi ra, Tune pin ya ing Propeta!

Ding Dapat 7:37

Ya itang Moises a sinabi karing memalen na ning Israel, Itubud ne kekayu ning Dios ing metung a propeta, antimo nung makananu na kung tinubud. Metung yang propetang manibatan mismu karing kekayung kalahi.