Juan 6:11 - Ing Mayap a Balita Biblia

¹¹ Kinua na lang Jesus ding tinape at inyang mekapasalamat ne king Dios, pemie na la karing pakalukluk. Makanyan munaman ing gewa na karing asan. Mirinan la ngan ding tau anggang bisa la.

Juan 6:11 Iomraidhean Croise

Mateo 15:36

Kinua na la ding pitung tinape ampon ding asan at kaybat nang mekapasalamat king Dios pemirasu na la ding tinape at asan, at binie na la karing alagad. Ding alagad naman pemie da la karing tau.

Lucas 24:30

Inyang kasulu da ne king pamangan, kinangwa yang tinape at pepasalamat ya king Dios; at pemirasu ne ing tinape at binie ne karela.

Juan 21:10

Nganang Jesus karela, Magdala kayung mapilan keni karing asan a arakap yu.

Juan 21:13

Linapit ya i Jesus at kinua ne ing tinape at binie ne karela at antimu rin ding asan.

Juan 21:9

Kasaka da king pampang menakit lang uling a mibabaya at asan a makaderang ampon tinape.

Juan 6:23

Oneng ating mapilan a bangkang menibatan Tiberias a sinadsad malapit king lugal nung nu da la pengan ding tinape kaybat nang pepasalamat ning Ginu.

Juan 6:9

Ating metung a anak a lalaki keti a migbakal limang tinape sebada at aduang asan. Nu na la anti deti para kareting dakal a tau?

Ding Dapat 27:35

Kaybat nang asabi iti, kinangwa yang mapilan a tinape. Pepasalamat ya king Dios king durungutan da; pirasu ne ing tinape at megumpisa yang mengan.

Roma 14:6

Ing ninumang paulaga king isanu mang aldo daraptan na iti bilang parangal king Ginu; ita namang alang pangilinan a pamangan daraptan na iti bilang parangal king Ginu uling balu nang pasalamatan king Dios ing kakanan na. Ninuman ing e bisang mangan karing mapilan a bage, daraptan na iti bilang parangal king Ginu at ya man biasa yang munie pasalamat king Dios.

1 Corinto 10:31

Inya nanuman ing daraptan yu, mamangan kayu man o miminum, daptan yu ngan king ikaligaya na ning Dios.

1 Tesalonica 5:18

Pasalamatan yu ing sablang mangapalyari uling iti ya ing buri ning Dios king pangayabe yu kang Cristo Jesus.

1 Samuel 9:13

Akit ye kalub yu king balen bayu ya munta king lugal a pisasamban ban mangan. E la mangan ding tau anggang e ya datang uling kailangan ne pa mung bendisyunan ing ain-sakripisyu; kaybat kanita la pa mu mangan detang mekumbira. Lumakad na kayu ban agad yeng akit.