Juan 5:6 - Ing Mayap a Balita Biblia

⁶ Ikit neng Jesus at balu na king maluat neng masakit iting lalaki. Kitnan ne, Bisa kang kumayap?

Juan 5:6 Iomraidhean Croise

Ding Dalit 142:3

Potang lumapit na kung sumuku balu na ing kailangan kung daptan. Ding kalaban ku inumang de ing silu para kaku king gasgas a daralanan ku.

Isaias 65:1

Ngana ning Ginu, Makasadia kung makibat karing panalangin da ring taung pinili ku, oneng e la menalangin. Panenayan kung panintunan da ku, oneng e ra ku penintun. E ya menalangin kanaku ing bansa agyamang parati kung makasadiang ipakibat karela: Atyu ku keni; saupan da kayu.

Jeremias 13:27

Ikit na kayung darapat karing bage kasaman na. Ikit na kayung minta karing dios da ring paganu a atyu karing bunduk-bundukan at marangle; ikit na kayung anti ing lalaking magnasa king asawa na ning kasiping nang bale o anti ing kabayung bulugan a tatagal king kabayung babai. Memalen ning Jerusalem, mitakda na ing kapahamakan a dugpa kekayu! Kapilan kayu pa kaya magbayung bie?

Lucas 18:41

Nanu ing buri mung daptan ku keka? Nganang mekibat, Ginu, bisa kung manakit pasibayu.

Juan 21:17

Kitang na king katlung besis, Simon, anak nang Juan, kaluguran mu ko? Melungkut ya i Pedro uling mekatatlu na kitang: Kaluguran mu ko? At mekibat ya, Ginu, balu mu ing sabla; balu mu king kaluguran da ka! Sinabi nang Jesus, Pakanan mu la ding tupa ku.

Juan 5:5

Karin ating metung a lalaking atlu nang pulu't walung banuang masakit.

Juan 5:7

Mekibat ya ing lalaki, Ginu, ala pung midala kanaku king sibul potang gagalo ing danum at kabang papunta ku pa mu atin nang mekadulung makauna kanaku.

Hebreo 4:13

Ala kang asalikut nanuman king Dios. Ing sablang melalang makabuklat at makalantad king panimanman na at king Dios tamu munie kwenta tungkul king kekatamung sarili.

Hebreo 4:15

Ing kekatamung Pekapun ding Pari biasa yang makisanmetung a panamdam king kekatamung keinan. Uling dinalan ya naman king sablang kapagsubukan a kalupa na ning daralanan tamu agyamang e ya mikasala.