Juan 5:5 - Ing Mayap a Balita Biblia

⁵ Karin ating metung a lalaking atlu nang pulu't walung banuang masakit.

Juan 5:5 Iomraidhean Croise

Marcos 9:21

Kapilan ya pa makanyan? nganang kinutang Jesus king tata. Manibat na kanitang malati ya, ngana ning tata.

Lucas 13:16

Metung yang lahi nang Abraham ing babaing iti; ginapus neng Satanas kilub ding labing walung banua. E wari karampatan ing kalagan ya agyang king Aldo ning Sabbath?

Lucas 8:43

Kabilang ya kareti ing metung a babaing labi nang aduang banuang kayayagasan daya; megisan na king pamipaulu karing doktor ing pibandian na, oneng e ya kinayap.

Juan 5:14

Kaybat na niti, atagpuan neng Jesus king Templo at sinabi na keya, Lawan mu, mayap na ka! E na ka mikakasalang pasibayu magkang lalu pang marawak ing dugpa keka.

Juan 5:4

uling ating oras a ing metung a anghel na ning Ginu durulung ya at gagalon na ing danum. Ing mumunang midulung kaybat nang megalo ning danum kumayap ya king nanumang sakit a panamdaman na.]

Juan 5:6

Ikit neng Jesus at balu na king maluat neng masakit iting lalaki. Kitnan ne, Bisa kang kumayap?

Juan 9:1

Kabang lalakad ya i Jesus ikit ne ing metung a lalaking bulag ibat na king pangabait na.

Juan 9:21

Oneng e mi balu nung makananu yang manakit na ngeni o nung ninu ing mekapasala karing mata na. Kutnan ye; atyu ne king idad at makapagsalita ya para king sarili na!

Ding Dapat 14:8

Karin Listra ating metung a taung pane makalukluk. E pa mekalakad kapilan man uling lumpu ne kabait na.

Ding Dapat 3:2

King lele na ning pasbul a ausan dang Pasbul a Masanting, ating metung a taung lumpu. Katutubu na ing pangalumpu na. Darala re aldo-aldo king lele na niting pasbul ban magpalimus karing taung lulub king Templo.

Ding Dapat 4:22

Uling itang taung keraptanan milagru maygit neng apat apulung banua tua.

Ding Dapat 9:33

Atagpuan ne karin ing metung a taung milagyuan Eneas, metung yang paralitikong walu nang banuang makarate.