Juan 5:42 - Ing Mayap a Balita Biblia

⁴² Oneng balu ra kayu; balu ku king ala kayung lugud king Dios.

Juan 5:42 Iomraidhean Croise

Lucas 16:15

Inya sinabi na karela, Ikayu ding magpanggap banal king arapan da ring tau, oneng akikilala na ning Dios ing atyu karing pusu yu. Uling ing isipan dang maulaga ding tau, ya naman ing alang ulaga king panimanman na ning Dios.

Juan 2:25

E na kailangan pa ing damdaman na king aliwa ing tungkul king ninumang tau uling ya mismu balu na ing atyu king pusu na ning tau.

Juan 21:17

Kitang na king katlung besis, Simon, anak nang Juan, kaluguran mu ko? Melungkut ya i Pedro uling mekatatlu na kitang: Kaluguran mu ko? At mekibat ya, Ginu, balu mu ing sabla; balu mu king kaluguran da ka! Sinabi nang Jesus, Pakanan mu la ding tupa ku.

Juan 5:41

Aliwa ing kapurian da ring tau ing pagnasan ku.

Juan 5:43

Dinatang ku king lagyu nang Ibpa ku, oneng e yu ku buring tanggapan. Nung datang ya ing aliwa king sarili nang lagyu, tatanggapan ye.

Juan 5:44

Makananu kayung makapaniwala ngening pagnasan yung tanggap kapurian ibat karing tau, at e yu pagnasan ing tanggap kapurian a manibat king bukud mung Dios?

Juan 8:42

Nganang Jesus karela, Nung ing Dios ya ing kekayung Tata, sukat ing luguran yu ku uling dinatang kung menibat king Dios. E ku dinatang king sarili kung kaburian, nune ya ing mitubud kanaku.

Juan 8:47

Ing menibat king Dios makiramdam ya karing amanu na ning Dios. Oneng e kayu ibat king Dios inya e kayu bisang makiramdam.

Juan 8:55

Oneng ikayu kapilan man e ye balu, aku balu ke. Nung sabian kung e ke balu maging malaram kung kalupa yu. Oneng balu ke at tutuparan ku ing amanu na.

Roma 8:7

Inya maging kalaban ne ning Dios ing taung mimisip ketang aduan na ning katutubu rang pangatau, uling iti e mamintu king kautusan na ning Dios, at king kamatutuanan e na agyung pamintuan.

1 Juan 2:15

E ye luluguran ing yatu o ding bage atyu king yatu. Ing lulugud king yatu e ya lulugud king Ibpa.

1 Juan 3:17

Nung akit ne ning ninumang maki pibandian ing kapatad na a atyu king pamangailangan, oneng e ne seupan, makananu nang asabing ing lugud na ning Dios atyu keya?

1 Juan 4:20

Ing sasabing Kaluguran ke ing Dios, oneng kasaman na ne man ing kapatad na, iti malaram ya. Makananu neng aluguran ing Dios a e na akakit, nung ing kapatad na a akakit na e ne aluguran?

Kapahayagan 2:23

Paten ku la naman ding anak na ban kanita abalu da ring sablang iglesia king aku ing susuri king pusu at isip da ring tau. Ablasan ke ing balang metung kekayu ketang depat yu.