Juan 5:40 - Ing Mayap a Balita Biblia

⁴⁰ makanyan man e kayu bisang lumapit kanaku ban mika bie kayu.

Juan 5:40 Iomraidhean Croise

Ding Dalit 81:11

Oneng ing balen ku e ya mekiramdam kaku, ing Israel e ya bisang mamintu.

Isaias 49:7

Ketang alang kalupa king pamaglibak, at pikakasaman ding sablang bansa, at talasuyu da ring pamuntuk; ing banal a Dios at talapagligtas ning Israel sasabian na, Akit da kang malaya ding ari, at talakad la ban ipakit da ing pamangalang da; akit da naman iti ding prinsipi at duku la ban galangan da ka. Iti mapalyari uling ing Ginu ya ing memili king talasuyu na; ing banal a Dios ning Israel tutuparan na lang pangaku na.

Isaias 50:2

Obat ing balen ku e ya kinimut inyang pintalan ke ban iligtas? Obat e ya mekibat inyang inaus ke? Milalu ku wari kaina ban e ra kayu aligtas? Apakati ke ing dagat king metung mung amanu, at agawa ku lang metung a disyerto ding ilug, ban king keyalan danum mate lang karelang asan.

Mateo 22:3

Tinubud na la ding ipus na ban maniaus karing kumbiradu na king kasal, oneng e la mebisang datang.

Mateo 23:37

Jerusalem, Jerusalem! Ika ing makamate karing propeta at mamasibas karing tinubud ning Dios keka! Mekatapilan ing buri ku lang tipunan ding kekang anak, antimo nung makananu na lang titipunan ning gaindung manuk ding sisi na lalam nang pakpak, oneng e ka bisa!

Juan 1:11

Dinatang ya king sarili nang balen, oneng e re tinggap ding kabalen na.

Juan 10:10

Daratang ya ing mapanako ba ya mung manako, makamate, at manyira. Dinatang ku ba lang mika biebie a labis-labis.

Juan 3:19

Ing kayatulan ya iti: dinatang ya ing sala keti king yatu, oneng aliwa ing sala ing liguran da ring tau, nune ing dalumdum uling e mayap ing dapat da.

Juan 5:39

Sasaliksikan yu la ding Kasulatan uling isipan yu king kareti yu atuklasan ing bie alang angga. Oneng deti ila kabud ding patutu tungkul kanaku;

Juan 5:41

Aliwa ing kapurian da ring tau ing pagnasan ku.

Juan 5:44

Makananu kayung makapaniwala ngening pagnasan yung tanggap kapurian ibat karing tau, at e yu pagnasan ing tanggap kapurian a manibat king bukud mung Dios?

Juan 6:27

E yu panintunan ing masisirang pamangan, nune panintunan yu ing pamangan a manatili angga king bie alang angga. Ibie na iti kekayu ning Anak ning Tau uling ya ing dininan nang upaya ning Dios Ibpa.

Juan 6:37

Lumapit la kanaku ding sablang babie na ning Ibpa kanaku at e ke tanggian ing ninumang lumapit kanaku,

Juan 6:40

Uling iti ya ing kaburian nang Ibpa ku: ing balang metung a manakit king Anak at maniwala keya mika bie yang alang angga at pasublian keng mie king tauling aldo.

Roma 6:23

Ing bayad na ning kasalanan, kamatayan; oneng ing regalung kusa nang babie ning Dios ya ing bie alang angga kayabe nang Cristo Jesus a Ginu tamu.

Kapahayagan 22:17

Ngana ning Espiritu at ning Babaing kakasal, Mekeni! Ding sablang makaramdam kaniti kailangan ing sabian da naman, Mekeni! Ing ninumang kakau, lumapit ya; paburen yeng kuma ing bisa king danum a babie bie. Iti alang bayad.