Juan 5:39 - Ing Mayap a Balita Biblia

³⁹ Sasaliksikan yu la ding Kasulatan uling isipan yu king kareti yu atuklasan ing bie alang angga. Oneng deti ila kabud ding patutu tungkul kanaku;

Juan 5:39 Iomraidhean Croise

Ding Dalit 1:2

Matula na lang pamintuan ding kautusan ning Ginu, at keya lang pagaralan aldo o bengi man.

Ding Dalit 119:11

King kakung pusu karin ku la selikut ding kekang kautusan ban keka e ku mikasala.

Ding Dalit 133:3

Mengari king ambun king Bunduk ning Hermon a mananabu karing bunduk-bundukan ning Zion. Karin ing Ginu pengaku na ing bendisyun na, king bie a alang angga.

Ding Dalit 16:11

Ing dalan a papunta king bie kaku papakit me; siping mu atyu tulang alang kapante; ing saup mu magdalang tulang alang kapupusan.

Ding Dalit 21:4

Bie ing inawad na keka, at binie mu bie makaba at alang angga.

Ding Dalit 36:9

Atyu keka ing sibul ning bie; ing aslag mung tagle ya ing keke matnube.

Ding Kasebian 6:23

Ing karelang panabilin at turu mengaring sulung maslag; ing karelang beluan ya ing mituru keka nung makananu kang mibiebie.

Isaias 34:16

Saliksikan ye ing libru ning Ginu para karing mabibie melalang at lawan yu nung nanu ing sasabian na. Alang mabating metung man kareting melalang at e ya milako kaparis ing metung man karela. Uling makanyan nang inutus ning Ginu; ya mismu tipunan na la't piyabe-abayan.

Isaias 8:20

Ipakibat yu naman karela, Makiramdam kayu king nanumang tuturu na kekayu ning Ginu! E kayu makiramdam karing makipagsalita karing espiritu da ring mete. Ala kayung akua king nanumang sabian da kekayu.

Jeremias 8:9

Mangapakarine la ding mangabiasa yung lalaki; e ra balu ing daptan da at marakap la. Tinggian da la ring amanu ku; nanung kabiasnan ing makatagan pa ngeni karela?

Daniel 12:2

Mie lang pasibayu ding dakal karing mete na; tamasan da ring mapilan ing bie alang angga, at magdusa la ding mapilan king alang anggang kamarinayan.

Mateo 22:29

Nganang mekibat Jesus karela, Maragul ing kekayung pamagkamali uling e yu la aintindian ding Kasulatan ni e yu aintindian ing upaya na ning Dios.

Marcos 10:3

Nganang mekibat Jesus karela, Nanu ing kautusan a binie nang Moises kekayu?

Marcos 12:10

E ye pa wari abasa iting kasulatan? Ing batung e ra buri ding manalakad bale ya ing meging batung pamuntuk.

Lucas 16:29

Oneng sinabi nang Abraham, Atyu ya karela i Moises at ding propeta; paburen mu lang makiramdam karela.

Lucas 16:31

Sinabi nang Abraham, Nung e la makiramdam kang Moises at karing propeta e la munaman maniwala agyang king mete a sinubling mebie.

Lucas 24:25

Kanita sinabi nang Jesus karela, Kapurul yu naman a isip! Angga ngeni e yu pa paniwalan ing sablang inula da ring propeta?

Lucas 24:27

At selese nang Jesus karela ing masasabi karing sablang kasulatan tungkul keya, manibat karing libru nang Moises at karing Kasulatan da ring sablang propeta.

Lucas 24:44

Kaybat ngana karela, Ing amanuan ku kanitang kayabe yu ku pa ya pin iti: kailangan ing matupad ing sablang misulat tungkul kanaku king Kautusan nang Moises, karing libru da ring propeta, at karing Dalit.

Juan 1:45

Penintun neng Felipe i Nathanael at ngana keya inyang ikit ne, Atagpuan mi ya itang mababanggit king libru na ning Kautusan a sinulat nang Moises at mababanggit munaman karing kasulatan da ring propeta: i Jesus ning Nazaret a anak nang Jose.

Juan 5:32

Oneng ating aliwang patutu tungkul kanaku at balu ku king tutu ing sasabian na tungkul kanaku.

Juan 5:36

Ating pamipatutu tungkul kanaku a maygit king pamipatutu nang Juan: ila pin ding dapat a parapat na ning Ibpa kanaku a kanaku namang daraptan. Ila deti ring patutu kanaku king ing Ibpa ya ing mitubud kanaku.

Juan 5:40

makanyan man e kayu bisang lumapit kanaku ban mika bie kayu.

Juan 5:46

Nung meniwala kayu kang Moises kailangan sana ing maniwala kayu kanaku uling sinulat ya tungkul kanaku.

Juan 7:52

Pekibat da kang Nicodemo, Ika man tau ka Galilea? Pagaralan me ing Kasulatan at akit mu king alang lunto propeta a tau Galilea.

Ding Dapat 13:27

Uling e ra balu ding tau Jerusalem at ding karelang mamuntukan king ya ing Talapagligtas ni e ra la aintindian ding amanu da ring propeta a mababasa king balang Aldo Sabbath. Makanyan man ila mismu ding mekapatutu king ula da ring propeta king kapamilatan na ning pamakamate da kang Jesus.

Ding Dapat 17:11

Mas mayap la pilubluban ding tau karin kesa karing tau Tesalonica. Matingid lang mekiramdam king penaral nang Pablo. Pagaralan da la aldo-aldo ding Kasulatan ba rang akit nung tutu pin ing sinabi nang Pablo.

Ding Dapat 26:27

Aring Agripa, e kayu wari pu maniwala karing propeta? Balu ku maniwala kayu!

Roma 1:2

Ing Mayap a Balita ya ing malambat na nang pengaku ning Dios king kapamilatan da ring propeta, antimo ing masasabi karing Banal a Kasulatan.

Roma 3:2

Dakal a tutu! Mumunang dili, karing Judio na peniwala ning Dios ing amanu na.

Deuteronomio 18:15

Mitubud yang propetang kalupa ku. Manibat ya mismu kekayu; ya ing pakiramdaman yu.

Deuteronomio 18:18

Mitubud kung propetang kalupa mu a manibatan karing mismung kalahi ra. Sabian ku itang buri kung sabian na at ipayabut na karing tau itang sablang iyutus ku.

Deuteronomio 29:29

Ating bage milihim at bukud lang mangaintulid king Ginung kekatamung Dios, oneng itang mihayag mangaintulid kekatamu at karing kekatamung anak ban makapamintu tamu karing kautusan king kapilan pa man.

Deuteronomio 32:47

Maulaga la deti at makataya ing bie yu kareti. Pamintuan yu la ban kumaba ing bie yu karin king gabun lipat ning Jordan a pupuntalan yu ban bandian.

Colosas 3:16

Labis-labis sanang manatili karing pusu yu ing amanu nang Cristo. Mituturuanan kayu at mipapamie payu king mitmung kabiasnan. Kayabe na ning kapasalamatan a makasale karing pusu yu, pagkanta ye ing Dios karing salmo at himno ampon banal a kanta.

Hebreo 11:16

Oneng ali, ing panintunan da metung yang bansa a lakuas mayap at iti ya ing bansa dang maligaya karin banua. Inya e na pikarine ning Dios ing ausan deng Dios da, uling atin yang sasadiang metung a siudad para karela.

Hebreo 11:35

King kapamilatan na ning kasalpantayanan da king Dios, tinggap da lang pasibayu ding babai ding karelang mete kaybat dang mipasublian mie. Tinggian da ring aliwa ing ibulus da la, inya mete la king katampalasanan a tinggap da ban kanita mipasublian lang mie king lalung mayap a pamibiebie.

Josue 1:8

Parati meng babasan ing libru na ning Batas; pagaralan me neng aldo at bengi at tuparan mu ing sablang makasulat. Kanita mibandi ka at magtagumpe.

Kapahayagan 19:10

Migsakab ku king arap ban samban ke. Oneng sinabi na kanaku, E mu daraptan yan! Kalupa mu ku namang talasuyu at kapatad ding minie patutu tungkul kang Jesus. Ing Dios ya ing samban mu! Uling ing mihayag a katutuan tungkul kang Jesus ya ing kalamnan na ning sablang sinabi ra at sinulat ding propeta.