Juan 5:36 - Ing Mayap a Balita Biblia

³⁶ Ating pamipatutu tungkul kanaku a maygit king pamipatutu nang Juan: ila pin ding dapat a parapat na ning Ibpa kanaku a kanaku namang daraptan. Ila deti ring patutu kanaku king ing Ibpa ya ing mitubud kanaku.

Juan 5:36 Iomraidhean Croise

Mateo 11:4

Nganang mekibat Jesus, Magbalik na kayu at sabian yu kang Juan ing kekayung daramdaman at akakit:

Lucas 2:49

Pekibat na karela, Baket penintun yu ku? E yu wari balu king kailangan kung atyu king bale nang Ibpa ko?

Juan 10:25

Mekibat ya i Jesus, Sinabi ku na kekayu, oneng e kayu meniwala. Ding dapat a daraptan ku king lagyu nang Ibpa ku ilang patutu tungkul kanaku.

Juan 11:37

Oneng ngara ding mapilan, Pepasala ne mata ing bulag! Baket pepaburen neng mete i Lazaro?

Juan 15:24

Nung ding dapat a e na agawa ning ninuman e ku la depat libutad da, ala la sanang kasalanan. Oneng ikit da ing depat ku at pikasaman da ku ampon i Ibpa ku.

Juan 17:4

Pepaligayan da ka keti king yatu; inari ku ing obrang pepagawa mu kanaku.

Juan 2:23

Kanitang atyu Jerusalem i Jesus king Piesta ning Pamaglagpus, dakal lang tau ding meniwala keya inyang ikit da la ring makapagmulalang tanda a depat na.

Juan 3:17

Uling tinubud ne ning Dios ing Anak na king yatu e ban atulan ne at parusan ing yatu, nune ban miligtas ya ing yatu king kapamilatan na.

Juan 3:2

Misan a bengi, iting lalaki minta ya kang Jesus. Ngana kang Jesus, Maestro, balu mi king metung kang talaturu a menibat king Dios, uling alang makagawa karing milagrung daraptan mu subali mu nung mamantabe ya keya ing Dios.

Juan 4:34

Nganang Jesus, Ing pamangan ku ya ing pamintuan ku ing kaburian na nitang mitubud kanaku at arian ing obrang mibie kanaku.

Juan 5:32

Oneng ating aliwang patutu tungkul kanaku at balu ku king tutu ing sasabian na tungkul kanaku.

Ding Dapat 2:22

Pakiramdaman yu iting sasabian ku, memalen ning Israel! I Jesus ning Nazaret ya ing taung tinubud na ning Dios. At ing pangatuburan na king Dios mipakilalang masala kekayu king kapamilatan da ring milagru, ding makapagmulalang bage, at ding tanda a depat na ning Dios king kapamilatan na. Ikayu mismu balu yu iti uling keti mismu libutad yu karin mepalyari.

1 Juan 5:9

Tatanggapan tamu ing patutu da ring tau, oneng lalung matibe ing patutu na ning Dios at iti ya ing patutu na ning Dios tungkul king Anak na.