Juan 5:30 - Ing Mayap a Balita Biblia

³⁰ Ala kung arapat king sarili kung kayupayan. Mamatul ku agpang king sasabian na ning Ibpa kanaku; inya matulid ing atul ku uling e ku pagnasan daptan ing sarili kung kaburian, nune ing kaburian na nitang mitubud kanaku.

Juan 5:30 Iomraidhean Croise

Genesis 18:25

Mabayat yung daptan ing anti kanyan; e ye paburen mate ing alang kasalanan kayabe na ning ating kasalanan. Pakipante ye wari ing alang kasalanan king ating kasalanan? E sukat mapalyari ing anti kanyan! Gawa ne man waring e matulid ing ukum ning mabilug a yatu?

Ding Dalit 96:13

potang datang ya ing Ginu ban mag-ari king yatu. Pamahalan no ding sablang tau king alang pamangabiran, at king mitmung katuliran.

Isaias 28:6

Ibie na ing matulid a pamangilala king hustisia para karetang sinuyung antimong ukum at tetagan a lub para karetang magdipensa karing pasbul dalan ning siudad.

Zepania 3:15

Tiknang na na ning Ginu ing kekang parusa; leko na na la sablang kekang kalaban. Ing Ginu, ing Ari ning Israel, atyu keka; ala nang sangkan ngeni ban tumakut ka.

Mateo 26:39

Sinulung ya pang bagya; migsakab ya king gabun at nganang menalangin, Ibpa ko, nung malyari, idayu me kanaku iting kopa! Oneng aliwa ing kaburian ku, nune ing keka ya ing matupad.

Juan 14:10

E ka wari maniwala king atyu ku king Ibpa at ing Ibpa atyu kanaku? E la manibat kanaku ding amanung sasabian ku kekayu. Gagawan na ning Ibpang atyu kanaku ing obra na.

Juan 17:4

Pepaligayan da ka keti king yatu; inari ku ing obrang pepagawa mu kanaku.

Juan 18:11

Sinabi nang Jesus kang Pedro, Ikaluban me ing espada mu! E wari kailangan ing inuman ke ing kopa a painum na kanaku ning Ibpa?

Juan 4:34

Nganang Jesus, Ing pamangan ku ya ing pamintuan ku ing kaburian na nitang mitubud kanaku at arian ing obrang mibie kanaku.

Juan 5:19

Nganang Jesus karela, Ing katutuan sasabian ku kekayu: ala yang arapat ing Anak king sarili nang kaburian, nune daraptan na mu itang akakit nang daraptan na ning Ibpa. Nanuman ing daraptan na ning Ibpa ya naman ing daraptan na ning Anak.

Juan 6:38

uling tinipa kung ibat banua e ban daptan ing sarili kung kaburian, nune ing kaburian na nitang mitubud kanaku.

Juan 8:28

Inya sinabi nang Jesus, Potang ikua yu neng tinas ing Anak ning Tau, kanita yu abalu king Aku pin Ya; at king ala kung daraptan king sarili kung upaya nune magsalita ku agpang king tiru na kanaku ning Ibpa.

Juan 8:42

Nganang Jesus karela, Nung ing Dios ya ing kekayung Tata, sukat ing luguran yu ku uling dinatang kung menibat king Dios. E ku dinatang king sarili kung kaburian, nune ya ing mitubud kanaku.

Juan 8:50

Makanyan man, e ku panintunan ing sarili kung dangalan; ating metung a manintun kaniti at ya ing mamatul.

Roma 15:3

Uling e na peligayan Cristo ing sarili na. Antimo ing sasabian na ning Kasulatan, Digpa la kanaku ding insultu a sasabian da ring maninsultu.

Roma 2:2

Balu tamu king e ya magkamali ing Dios potang atulan na la ding taung darapat karing anti kareting bage.

Roma 2:5

Oneng uli na ning kesiasan mung buntuk at ning pusu mung e biasang sumisi, lalu mung bubuntun king kekang sarili ing maragul a kaparusan a tanggapan mu king Aldo a mibugnus ing milalablab nang mua ning Dios at mipakilala ing matulid nang kayatulan.