Juan 5:3 - Ing Mayap a Balita Biblia

³ Dakal lang makakerang masakit kareting balkonbulag, pile, at paralitiko. [Panenayan dang galo ing danum;

Juan 5:3 Iomraidhean Croise

1 Ari 13:4

Inyang dimdam nang Aring Jeroboam iting amanung laban king altar, tildu ne ing gamat na king propeta ning Dios at ngana, Dakpan ye ing taung yan! Kanita mu rin mengasias ya ing gamat a penuldu na at e ne akimut.

Ding Kasebian 8:34

Tumula ya ing taung kaku makiramdam, itang aldo-aldo manaya karing kakung pasbul dalan; itang manatiling king pasbul mibuklatanan.

Ding Tagulele 3:26

Inya ing mayap tamung daptan ya ing manaya king mitmung kapibabatan; manaya king Ginu ban iligtas na kata ngan.

Zacarias 11:17

Makalunus ing mapalyari king alang kabaldugan a pastul a ita! Pepaburen na la ding tupang papastulan na. Lubus nang siran ning gera ing kayupayan na. Langi ya ing takde na at mabulag ya ing wanan nang mata.

Mateo 15:30

Minta la kang Jesus ding tutung dakal a tau; darala da la kang Jesus ding pile, ding baldadu, ding bulag, ding pipi, at ding aliwa pang maki sakit. Binili da la king arap nang Jesus at pepakayap na la.

Mateo 4:24

Mikalat ing balita tungkul kang Jesus angga king mabilug nang bansa ning Siria, inya ding tau dela ra la kang Jesus ding sablang masakit at ating miyayaliwang kaligaligan: ding ating demonyu, ding sosoning, at ding paralitiko. Pepakayap na la ngan.

Lucas 7:22

Nganang mekibat karing tubud nang Juan, Magbalik kayu at ibalita yu kang Juan ing ikit yu at dimdam: manakit la ding bulag, makalakad la ding pile, kakayap la ding leprosuan, makaramdam lang pasibayu ding maklak, at mabibie lang pasibayu ding mete at mipanaral ing Mayap a Balita karing pakakalulu.

Juan 5:2

Karin lele na ning Pasbul ding Tupa, ating sibul a king salitang Hebreo mayayaus yang Betsata. Atin yang limang balkon.

Juan 5:4

uling ating oras a ing metung a anghel na ning Ginu durulung ya at gagalon na ing danum. Ing mumunang midulung kaybat nang megalo ning danum kumayap ya king nanumang sakit a panamdaman na.]

Roma 8:25

Nung manaya tamu ketang e ta pa akakit, panayan tamu king mitmung kapibabatan.

Santiago 5:7

Inya, mibabata kayu, kapatad, mibabata kayu angga king paniatang na ning Ginu. Lawan yu nung makananu yang manenayang mitmung kapibabatan ing metung a ortelanu bayu mikabungang maulaga ing gabun na. Mapibabata yang manenaya king mumuna at tauling uran.