Juan 5:26 - Ing Mayap a Balita Biblia

²⁶ Atin yang upayang munie bie ing Ibpa at dininan neng upayang munie bie ing Anak.

Juan 5:26 Iomraidhean Croise

Ding Dalit 36:9

Atyu keka ing sibul ning bie; ing aslag mung tagle ya ing keke matnube.

Ding Dalit 90:2

Bayu mo pa pepalto ding kabundukan o ing yatung kekang lelangan, ika na ing Dios a alang kayangganan, at Dios ka kapilan man.

Exodo 3:14

Ngana ning Dios kang Moises, Aku ing Aku. At ngana pa ning Dios, Sabian mu karela ini: Ing ausan dang i Aku tinubud na ku kekayu.

Jeremias 10:10

Oneng ika, Ginu, ing tune Dios, ika ing mabie Dios at alang anggang ari. Gagalgal ya ing yatu potang mimua ka; e ra apibata ding bansa ing kekang mua. (

Juan 1:4

Atyu keya ing bie at iting bie ya ing migdalang sala karing tau.

Juan 10:18

E ne akua ninuman kanaku iting bie, nune kusa keng babie iti. Atin kung upayang ibie at upayang kumang pasibayu kaniti. Iti ya ing utus na kanakung Ibpa ku.

Juan 11:25

Nganang Jesus, Aku ing pamanyubling mebie at ing bie. Ing maniwala kanaku, agyang mate ya, mie yang pasibayu;

Juan 11:26

at ing ninumang mabibie at maniwala kanaku e mate kapilan man. Paniwalan mu ite?

Juan 14:19

Saguli na mu at e na na ku akit ning yatu, oneng akit yu ku; uling mabie ku, ikayu man mie kayu.

Juan 14:6

Pekibat nang Jesus, Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku.

Juan 4:10

Sinabi nang Jesus, Nung balu mu mu ing babie ning Dios at nung ninu ing maki-inum, mekad ika na ing maniawad keya at ibie na keka ing danum a mabie.

Juan 6:57

Tinubud na ku ning mabie Ibpa at king uli na mabibie ku; anti munaman ing mamangan kanaku mabibie ya king uli ku.

Juan 8:51

Ing katutuan sasabian ku kekayu: ing tutupad king tuturu ku e na takman kapilan man ing kamatayan.

Ding Dapat 17:25

Ni e ne kailangan ing nanumang aibie na ning tau king pamagobra na para keya, anti na ning ya mismu ing babie bie at pangisnawa at king sabla karing heganaganang tau.

1 Corinto 15:45

Uling ing kasulatan sasabian na, I Adan, ing minunang tau, milyari yang mabie lelangan, oneng ing tauling Adan, Espiritu yang babie bie.

1 Timoteo 1:17

King metung mung Dios, Aring alang angga, alang kamatayan at e mayayakit miyabie ing kapurian at ligaya king kapilan pa man! Amen.

1 Timoteo 6:16

Ya mung bukud ing alang kamatayan at manuknangan king aslag a e alapitan. Ala pang menakit king Dios o malyaring manakit king Dios. King Dios ing dangalan at ing kayupayan a alang angga! Amen.

Hebreo 1:2

Oneng kareting tauling aldo, migsalita ya kekatamu king kapamilatan na ning Anak na. King kapamilatan na lelangan ne ning Dios ing meto sikluban at ing Anak ya ing tilduan nang talapagmana king sabla king kapupusan na ning panaun.

Kapahayagan 21:6

Ngana pang sinabi, Metupad na! Aku ing Alpha at ing Omega, ing mumuna at katataulian. Ibie kung alang bayad king ninumang kakau ing danum ning sibul ning bie.

Kapahayagan 22:1

Kanita pepakit nia naman kanaku ning anghel ing ilug a babie bie. Malino anting kristal ing danum na uling manibatan king tronu na ning Dios at ning Kordero.

Kapahayagan 22:17

Ngana ning Espiritu at ning Babaing kakasal, Mekeni! Ding sablang makaramdam kaniti kailangan ing sabian da naman, Mekeni! Ing ninumang kakau, lumapit ya; paburen yeng kuma ing bisa king danum a babie bie. Iti alang bayad.

Kapahayagan 7:17

Uling ing Kordero a atyu libutad ning tronu ya ing maging pastul da, at idala na la karing sibul ning danum a babie bie, at pulisan nang lubus ning Dios ing lua karing mata ra.