Juan 5:22 - Ing Mayap a Balita Biblia

²² E ne atulan ning Ibpa ing ninuman. Binie na king Anak ing kabilugan a upaya ning pamanatul

Juan 5:22 Iomraidhean Croise

Ding Dalit 96:13

potang datang ya ing Ginu ban mag-ari king yatu. Pamahalan no ding sablang tau king alang pamangabiran, at king mitmung katuliran.

Ding Dalit 98:9

king arap ning Ginu, uling daratang ya ban yatu ya'ng pamahalan na, at ukuman ding tau ketang katuliran at alang pamangabiran.

Ecclesiastes 11:9

Kayanakan, tumula ka sana king kekang pangakayanakan. Magsaya ka kabang kayanakan ka. Daptan mu itang buri mung daptan at tukian ing buri ning kekang pusu. Oneng kapilan man e mu kakalinguan king ukuman na ning Dios ing sablang kekang daptan.

Ecclesiastes 12:14

Atulan na ning Dios ing sablang kekatamung daraptan king hayagan o king lihim, mayap o e mayap.

Mateo 11:27

Ing sabla binie na kanaku ning Ibpa ku at alang makakilala king Anak nune mu ing Ibpa, at alang makakilala king Ibpa nune mu ing Anak at detang birian nang makakilala keya ning Anak.

Mateo 16:27

Ing Anak ning Tau datang yang kayabe ning kayupayan nang Ibpa na at antabayanan de ring anghel na. King paniatang na ablasan ne ing balang metung agpang king depat na.

Mateo 28:18

Lepitan na lang Jesus at ngana karela, Miyabie kanaku ing sablang kayupayan karin banua at keti king yatu.

Juan 17:2

Uling dininan meng upayang sumakup karing sablang tau ban munie bie alang angga karing sablang binie mu keya.

Juan 3:35

Kaluguran ne ning Ibpa ing Anak at binie na keya ing sablang bage.

Juan 5:27

Dininan neng upayang matul uling ya ing Anak ning Tau.

Juan 9:39

Sinabi nang Jesus, Dinatang ku king yatung iti ban matul, ban manakit la ding bulag at mabulag la ding manakit.

Ding Dapat 10:42

Inutus na ing manaral kami king balen na at patutuan mi karela king ya ing tilduan na ning Dios a mukum karing sablang mabie at mete.

Ding Dapat 17:31

Uling tinuldu yang aldo nung nu ne ukuman king ganap a katuliran ing mabilug a yatu king kapamilatan na ning pinili na. Minie yang katunayan tungkul kaniti para karing sabla king kapamilatan na ning pamipasubli nang mie king taung ita!

Roma 2:16

Inya, agpang king Mayap a Balita a ipanaral ku, makanyan ing mapalyari king Aldo a atulan na ning Dios king kapamilatan nang Jesu-Cristo ing lihim dang isipan ding tau.

2 Corinto 5:10

Uling marap tamu ngan king piukuman nang Cristo ban tanggap king mayap o marawak a pangaintuliran na ning depat tamu inyang mabibie tamu keti king yatu.

2 Timoteo 4:1

Maigpit kung yuyutus keka king lagyu na ning Dios at Cristo Jesus a matul karing mabie at mete, at alang-alang king pamagbalik na keti at Pamag-ari:

1 Pedro 4:5

Oneng pakibatan da iti arapan na ning Dios a makasadiang mukum karing mabie at karing mete.