Juan 5:2 - Ing Mayap a Balita Biblia

² Karin lele na ning Pasbul ding Tupa, ating sibul a king salitang Hebreo mayayaus yang Betsata. Atin yang limang balkon.

Juan 5:2 Iomraidhean Croise

Nehemias 12:39

at manibat karin miglakad kaming lagpus king Pasbul dalan ning Efraim, Pasbul dalan ning Jesana, Pasbul dalan ning Asan, Tore nang Hananel, at ing Tore ding Dinalan papunta king Pasbul dalan da ring Tupa. Tinuknang keng lalakad inyang miras kami king Pasbul dalan da ring Guardia lele ning Bale ning Dios.

Nehemias 3:1

I Eliasib, ing pari a matas dili katungkulan, at ding kalupa nang pari pegumpisan deng pegobran miyabe-abe ing Pasbul dalan ding Tupa. Kebit da la ring pasbul at kaybat telaga re. Telaga re ing pader angga na king miras ya king Tore ding Dinalan at ing Tore nang Hananel. ...pegumpisan deng pegobran miyabe-abe...(3:1)

Nehemias 3:32

Ing tauling dake pegobran da ya itang pilatan ning silid babo ning suluk ning pader at ning Pasbul dalan ding Tupa. Ding megobra kaniti ila ding platerung gintu at ding negosianti.

Isaias 22:11

Ban makatipun kang danum kilub ning Jerusalem, ginawa kang depositung danum kilub da ring pader ban sumalud king danum a mamagus ibat king matuang depositung danum. Oneng e me dininan pansin ing Dios a mibalak kaniti king maluat nang panaun at pepasari kaniting mepalyari.

Isaias 22:9

Ikit mu la ding lugal nung nu la kailangan malarin ding pader ning Jerusalem. Siniasat mu la ding sablang bale na ning Jerusalem at pepalasak mu la ding mapilan ban manikua kang batung paglarin karing pader na ning siudad.

Juan 19:13

Panamdam nang Pilato kaniti, liwal ne i Jesus. At linukluk ya king piukuman, king lugal a mayayaus Dalan a Batu. (Gabbatha king salitang Hebreo.)

Juan 19:17

Linual yang mamusan king krus na papunta king lugal a mayayaus Lugal ning Bungu. (Golgota king salitang Hebreo.)

Juan 19:20

Dakal la karing Judio ding mekabasa keting kapabaluan uling ing lugal nung nu ya mipaku i Jesus malapit ya king siudad at misulat ya iti karing amanung Hebreo, Latin, at Griego.

Juan 20:16

Maria! nganang Jesus. Inarapan ne at sinabi na, Rabboni! (Ngana wari king Hebreo Maestro.)

Juan 5:3

Dakal lang makakerang masakit kareting balkonbulag, pile, at paralitiko. [Panenayan dang galo ing danum;

Juan 7:21

Pekibatan na lang Jesus, Metung pa mung bage ing depat ku at pigmulalan yu na.

Ding Dapat 21:40

Dininan neng kapaintulutan ning komandante, inya tinuklu ya i Pablo king babo ning eran at tinas ne ing metung nang gamat ba lang manahimik ding tau. Inyang menahimik la, migsalita ya i Pablo karela king Hebreo.

Kapahayagan 16:16

Inya ding espiritu tinipun da la ring ari king lugal a ausan dang Armagedon king salitang Hebreo.

Kapahayagan 9:11

Ing ari da ya ing anghel a magbante king tutung malalam a bangin; Abadon ing lagyu na king salitang Hebreo, at Apolion king Griego at mangabaldugan Ing Mapanyira.