Juan 5:19 - Ing Mayap a Balita Biblia

¹⁹ Nganang Jesus karela, Ing katutuan sasabian ku kekayu: ala yang arapat ing Anak king sarili nang kaburian, nune daraptan na mu itang akakit nang daraptan na ning Ibpa. Nanuman ing daraptan na ning Ibpa ya naman ing daraptan na ning Anak.

Juan 5:19 Iomraidhean Croise

Genesis 1:1

King pasimula, lelangan ne ning Dios ing banua at ing yatu.

Genesis 1:26

Kanita ngana ning Dios, Lalangan ta ya ing tau king wangis tamu. Ila ding manibala karing asan na ning dagat, karing ayup, karing baka, karing heganaganang animal, at karing heganaganang melalang a gagapang king yatu.

Ding Dalit 138:3

King aldo minaus ku, ika pekibatan mu ku; mismung sikanan mu ya ing binie mu kaku.

Ding Dalit 27:14

Manalig ka king Ginu; e mu painan ing lub mu, at e ka tatakut; wa, manalig ka king Ginu.

Ding Dalit 50:6

Ing banua sasabian na king ing Dios makatuliran ya; ya mismu ing ukum.

Exodo 4:11

Ngana ning Ginu, Moises, ninu wari ing minie king asbuk ning tau? Ninu ing maki upayang gawan neng maklak o pipi? At ninu ing makaibie king panimanman na o makabulag king tau? Alang aliwa nune aku, ing Ginu.

Ding Kasebian 2:6

Ing Ginu ya ing babie kabiasnan. King Ginu manibat ing beluan at pamanalastas.

Isaias 44:24

Aku ing Ginu, ing kekang talapagligtas; aku ing linalang keka. Aku ing Ginu, ing Miglalang king sablang bage. Aku mung bukud ing miladlad karing banua; alang sinaup kaku inyang lelangan ke ing yatu.

Isaias 45:24

Karelang sabian king bukud mung king kakung kapamilatan karin mayakit ing tagumpe at sikanan; oneng ding sablang masama kaku karelang tanggapan ing kamarinayan.

Jeremias 17:10

Aku, ing Ginu, ing sasalugsug karing kaisipan, at susubuk karing pusu da ring tau. Lalawan ke ing balang tau agpang king pamibiebie na, agpang king daraptan na.

Mateo 26:39

Sinulung ya pang bagya; migsakab ya king gabun at nganang menalangin, Ibpa ko, nung malyari, idayu me kanaku iting kopa! Oneng aliwa ing kaburian ku, nune ing keka ya ing matupad.

Lucas 21:15

uling dinan da kayung amanu at kabiasnan a e na agyung labanan o tutulan ning ninuman karing kekayung kalaban.

Juan 10:18

E ne akua ninuman kanaku iting bie, nune kusa keng babie iti. Atin kung upayang ibie at upayang kumang pasibayu kaniti. Iti ya ing utus na kanakung Ibpa ku.

Juan 12:49

Uling e ku migsalita king sarili kung kayupayan, nune ing Ibpang mitubud kanaku ya ing minutus nung nanung sabian ku at ipabalu kekayu.

Juan 12:50

At balu ku king babie bie alang angga ing utus na. Inya ing inutus nang sabian ku ning Ibpa ya ing sasabian ku.

Juan 14:10

E ka wari maniwala king atyu ku king Ibpa at ing Ibpa atyu kanaku? E la manibat kanaku ding amanung sasabian ku kekayu. Gagawan na ning Ibpang atyu kanaku ing obra na.

Juan 2:19

Mekibat ya i Jesus, Lasakan ye iting Templo at kilub ding atlung aldo italakad keng pasibayu.

Juan 3:3

Mekibat ya i Jesus, Ing katutuan sasabian ku keka: subali mu nung mibait yang pasibayu ing tau e ne akit ing Kayarian ning Dios.

Juan 5:21

Nung makananung pasublian na lang mie ning Ibpa ding mete, makanyan munaman biayan na la ning Anak ding buri nang biayan.

Juan 6:38

uling tinipa kung ibat banua e ban daptan ing sarili kung kaburian, nune ing kaburian na nitang mitubud kanaku.

Juan 8:28

Inya sinabi nang Jesus, Potang ikua yu neng tinas ing Anak ning Tau, kanita yu abalu king Aku pin Ya; at king ala kung daraptan king sarili kung upaya nune magsalita ku agpang king tiru na kanaku ning Ibpa.

Juan 9:4

Kabang aldo pa sukat ta lang daptan ding dapat na nitang mitubud kanaku. Ing bengi daratang nung kapilan ala nang makapagobra.

Ding Dapat 2:24

Oneng pepasublian neng mie ning Dios; linigtas ne king upaya na ning kamatayan uling e malyari kapilan man ing bihagan ne ning kamatayan.

Roma 6:4

King matulid a pangasabi, inyang mebinyag tamu mikutkut tamung abe na at mirakayanan king kamatayan na ban nung makananu yang sinubling mebie king kapamilatan na ning maligaya nang upaya ning Ibpa, makanyan tamu munamang mibiebie king panibayung bie.

Roma 8:11

Nung ing Espiritu na ning Dios a pepasubling mie kang Jesus, manuknangan ya kekayu, ing pepasubling mie kang Cristo pasublian na la namang mie ding katawan yung malalaso kapamilatan na ning Espiritu nang manuknangan kekayu.

1 Corinto 15:12

Ngeni, anti na ning ing kekaming panaral ya ing Cristo a sinubling mebie, makananu rang asabi ding mapilan kekayu king ding mete e la subling mie?

2 Corinto 4:14

Balu tamu king ing Dios a pepasubling mie king Ginung Jesus, ya naman ing pasubling mie kekatamung kayabe na at midala kekatamung sabla king arapan na.

2 Corinto 5:10

Uling marap tamu ngan king piukuman nang Cristo ban tanggap king mayap o marawak a pangaintuliran na ning depat tamu inyang mabibie tamu keti king yatu.

Efeso 2:5

biniayan na katamu kang Cristo kanitang mete tamu uli na ning kapanialangsangan tamu. Miligtas kayu uli na ning grasya na ning Dios.

Efeso 3:16

Ipanalangin ku king Dios, agpang king mabandi nang ligaya, king pasiknangan na ing bie yung espiritual king kapamilatan na ning Espiritu na.

Filipos 3:21

Alilan na la ding katawan tamung matbud at malalaso. Gawan na lang kalupa na ning katawan na a maslag king ligaya. At iti gawan na king kapamilatan na mu rin nitang upaya a gagamitan na ba na lang sakupan ding sablang bage.

Filipos 4:13

Atin kung sikanan marap king nanuman uli na ning sikanan a babie nang Cristo kanaku.

Colosas 1:11

Mipasiknangan kayu sana king maragul a sikanan a manibatan king maligaya nang kayupayan ban malyaring yung akarga ing sabla king mitmung kapibabatan.

Colosas 1:16

King kapamilatan na lelangan na ning Dios ing sablang bage a atyu banua at ing keti king yatu; ing sablang mayayakit at e mayayakit, pati na ding kayupayan a espiritual, ding ginu, ding pamuntuk, at ding upaya; ing sabla-sabla melalang ngan king kapamilatan na at para keya.

1 Tesalonica 4:14

Maniwala tamu king mete ya i Jesus at sinubling mebie. Inya maniwala tamu king pasublian na la namang mie ning Dios ding sablang mete a manalig kang Jesus ban iyabe na la keya.

1 Pedro 3:18

Uling i Cristo mismu mete ya para karing kekayung kasalanan, misan mu at para king kapilan pa man, ing taung banal para karing taung makasalanan, ban kanita akua na katamung ilapit king Dios. Pete re ing katawan na, oneng sinubli yang mebie bilang espiritual,

Kapahayagan 2:23

Paten ku la naman ding anak na ban kanita abalu da ring sablang iglesia king aku ing susuri king pusu at isip da ring tau. Ablasan ke ing balang metung kekayu ketang depat yu.