Juan 5:17 - Ing Mayap a Balita Biblia

¹⁷ Oneng pekibatan na lang Jesus. Ngana, Alang tuknang ing pamagobra nang Ibpa ku at aku man kailangan kung magobra.

Juan 5:17 Iomraidhean Croise

Ding Dalit 65:6

King kekang sikanan keka lang telakad ding kabundukan; makanyan mung papakit ing maragul mung kayupayan.

Isaias 40:26

Talanga kayu banua! Ninu ing linalang karing akakit yung batuin? Ya itang karela tataid lulual anting kawal; balu na nung nu la anti karakal, at ausan ing balang metung king lagyu na! Uli ning degulan ning upaya na, metung man karela alang mawawala!

Mateo 10:29

Malyari kayung makasaling aduang denas king mura mung alaga; makanyan man e ya malyaring manabu king gabun ing metung karen nung e na kaburian ning Ibpa yu.

Juan 10:36

Pinili na ku ning Ibpa at tinubud keti king yatu. Makananu yung asabi kanaku ngeni ing lalapastanganan ke ing Dios uling sinabi kung Aku ing Anak ning Dios?

Juan 14:10

E ka wari maniwala king atyu ku king Ibpa at ing Ibpa atyu kanaku? E la manibat kanaku ding amanung sasabian ku kekayu. Gagawan na ning Ibpang atyu kanaku ing obra na.

Juan 5:16

Uli na niti, pegumpisan deng ligalig ding Judio i Jesus uling depat na iti king Aldo ning Sabbath.

Juan 5:18

Inya lalu reng pigkapilitan paten ding Judio uling e mu ing lebagan ne ing Aldo ning Sabbath, nune ausan ne pang Ibpa na ing Dios. Nanupata, makipante ya king Dios.

Juan 9:4

Kabang aldo pa sukat ta lang daptan ding dapat na nitang mitubud kanaku. Ing bengi daratang nung kapilan ala nang makapagobra.

Ding Dapat 14:17

Makanyan man dininan na kayung masalang tanda tungkul king sarili na king kapamilatan da ring mayap a bage daraptan na kekayu; dirinan na kayung uran ibat banua at ya ing babie bunga karing tanaman yu king karampatan a panaun; ya ing babie pagkabie at mangatmung tula kekayu.

Ding Dapat 17:28

anti na ning, Keya tamu mabibie at kikimut at makalto. Antimo ing sasabian da naman ding mapilan karing poeta yu, Tune na katamung anak na.

1 Corinto 12:6

Ating miyayaliwang kagiwan oneng ing Dios ya naman ing babie kareti.

Colosas 1:16

King kapamilatan na lelangan na ning Dios ing sablang bage a atyu banua at ing keti king yatu; ing sablang mayayakit at e mayayakit, pati na ding kayupayan a espiritual, ding ginu, ding pamuntuk, at ding upaya; ing sabla-sabla melalang ngan king kapamilatan na at para keya.

1 Tesalonica 2:13

Iti munaman ing sangkan nung inya parati keng pasalamat king Dios. Uling inyang penaral mi ya ing amanu na ning Dios pekiramdaman ye at tinggap e anting amanu na ning tau nune bilang amanu na ning Dios; at tune namang king Dios ya. At iting penaral mi mayayakit king bie yu, ikayung talasalpantaya.

Hebreo 1:3

Ya ing maslag nang sala ning ligaya na ning Dios uling ganap neng kawangis king kadiosan na; ya ing magmantini king meto sikluban king kapamilatan na ning mayupaya nang amanu. Ngening alinis na na la ding tau king dinat na ning karelang kasalanan, linukluk ya king banda nang wanan ning Dios a Mayupayang tutu karin banua.