Juan 5:16 - Ing Mayap a Balita Biblia

¹⁶ Uli na niti, pegumpisan deng ligalig ding Judio i Jesus uling depat na iti king Aldo ning Sabbath.

Juan 5:16 Iomraidhean Croise

Mateo 12:13

Kaybat, ngana king taung panat a gamat, Iyatiat me ing gamat mu. Inatiat ne at kinayap ya ing gamat na; meging kalupa ne ning metung nang gamat.

Marcos 3:6

Meko la ding Pariseo at mekikit la karing tauan nang Herodes; pisabisabi ra kanita mu rin nung makananu reng apapate i Jesus.

Lucas 6:11

Oneng mikamas la kang Jesus at pisabisabi ra nung nanung malyari dang arapat laban kang Jesus.

Juan 1:19

Iti ing patutu nang Juan kanitang mitubud lang pari at Levita ding Judio ning Jerusalem ban ikutang da keya: Ninu ika?

Juan 10:39

At pasibayu deng pekikuanan dakpan i Jesus, oneng ikua na lang apangilagan.

Juan 15:20

Ganakan yu ing sinabi ku kekayu: E ya maygit ing ipus king panginuan na. Nung ligaligan da ku, ligaligan da kayu naman. Nung tiparan da ing amanu ku, tuparan da naman ing kekayu.

Juan 5:10

Inya sinabi da ring Judio king lalaking kinayap, Aldo Sabbath ngeni at labag king Kautusan ing ibuat me ing pagkeran mu.

Juan 5:13

Oneng e na balu nung ninu itang pepakayap keya uling meko ne i Jesus at uling dakal a tau king lugal a ita.

Juan 5:15

Meko ya ing lalaki at sinabi na karing Judio king ing pepakayap keya ya i Jesus.

Juan 5:17

Oneng pekibatan na lang Jesus. Ngana, Alang tuknang ing pamagobra nang Ibpa ku at aku man kailangan kung magobra.

Juan 5:18

Inya lalu reng pigkapilitan paten ding Judio uling e mu ing lebagan ne ing Aldo ning Sabbath, nune ausan ne pang Ibpa na ing Dios. Nanupata, makipante ya king Dios.

Juan 7:21

Pekibatan na lang Jesus, Metung pa mung bage ing depat ku at pigmulalan yu na.

Juan 7:25

Ngarang migsalita ding mapilan a tau Jerusalem, Aliwa iti ing taung buri dang paten?