Juan 5:10 - Ing Mayap a Balita Biblia

¹⁰ Inya sinabi da ring Judio king lalaking kinayap, Aldo Sabbath ngeni at labag king Kautusan ing ibuat me ing pagkeran mu.

Juan 5:10 Iomraidhean Croise

Isaias 58:13

Ngana ning Ginu, Nung kilalanan yeng banal ing Aldo ning Sabbath at nung tuknangan yung panintunan ing sarili yung kapakanan king aldong iti; nung pakamalan ye ing kanakung banal a aldo at nung galangan ye king kapamilatan na ning e yu pamaglakbe, pamagobra o king pamakipagkwentung alang kapupuntalan,

Jeremias 17:21

Sabian mu karela king ingatan da ing bie ra, king e la sukat magdalang nanumang karga king Aldo ning Sabbath; e la sukat magdalang nanumang bage neng daralan la karing pasbul na ning Jerusalem

Jeremias 17:27

Oneng kailangan ing pamintuan da ku at pagselebran de ing Aldo ning Sabbath bilang aldo sagradu. Neng daralan la karing pasbul dalan ning Jerusalem king aldo a ita, e la sukat mamusan nanumang karga, nung ali, silaban ku la ding pasbul dalan ning Jerusalem. Magisan lang masilab ding palasyu na ning Jerusalem at ala metung mang makapatda king silab a iti.

Mateo 12:10

Karin ating taung panat metung a gamat. Atin munamang mapilan a lalaking dinatang karin uling bisa lang manakit abusbus da laban kang Jesus. Inya ngarang kinutang kang Jesus, Paintulut na ning kekatamung Kautusan ing manulu king Aldo ning Sabbath?

Marcos 2:24

Inya ngarang sinabi ding Pariseo kang Jesus, Lawan mu ing gagawan da ring alagad mu. Labag king kekatamung Kautusan ing gawan da yan king Aldo ning Sabbath!

Marcos 3:4

Kaybat, kitnan na la ding tau, Paintulut na ning kekatamung Kautusan ing dapat mayap o ing dapat e mayap king Aldo ning Sabbath? Ing sagip bie o ing makamate? Oneng e la mekibat.

Lucas 13:14

Oneng mimua ya ing manibala king sinagoga uling menulu ya i Jesus king Aldo ning Sabbath. Inya sinabi na karing tau, Ating anam a aldo a sukat tamung magobra. Datang kayu keti kareting aldo ban paulu at e king Aldo ning Sabbath!

Lucas 23:56

Kaybat na nita, minuli la at migsadiang pabanglu at laru para king bangke na. Migpaynawa la king Aldo ning Sabbath, antimo ing yuyutus na ning Kautusan.

Lucas 6:2

Ngara ding mapilan a Pariseo, Baket daraptan yu ing babawal na ning kekatamung Kautusan king Aldo ning Sabbath?

Juan 1:19

Iti ing patutu nang Juan kanitang mitubud lang pari at Levita ding Judio ning Jerusalem ban ikutang da keya: Ninu ika?

Juan 5:11

Oneng pekibat na karela, Ing taung pepakayap kanaku ya ing sinabi kanakung Ibuat me ing pagkeran mu at lumakad ka.

Juan 5:15

Meko ya ing lalaki at sinabi na karing Judio king ing pepakayap keya ya i Jesus.

Juan 5:16

Uli na niti, pegumpisan deng ligalig ding Judio i Jesus uling depat na iti king Aldo ning Sabbath.

Juan 7:23

Nung sirkunsisyunan ye ing metung a anak king Aldo ning Sabbath ban matupad ing Kautusan nang Moises, obat mimimua kayu kanaku uling pepakayap keng lubus ing metung a tau king Aldo ning Sabbath?

Juan 9:16

Ngara ding mapilan a Pariseo, E ya king Dios ing taung ita uling e ya tutupad king Aldo ning Sabbath. Oneng sinabi da ring mapilan, Makananu yang makarapat ing taung makasalanan karing anti kareting milagru? Milaban-laban ing sasabian da.