Juan 4:46 - Ing Mayap a Balita Biblia

⁴⁶ Mibalik yang pasibayu king Cana, Galilea, nung nu na gewang alak ing danum. At karin Capernaum ating metung a opisyal na ning gobiernu; masakit ya ing anak nang lalaki.

Juan 4:46 Iomraidhean Croise

Ding Dalit 50:15

King oras ning kekong kaguluan maus kayu kaku; iligtas da kayu at parangalan yu ku.

Ding Dalit 78:34

Inyang atin neng paten karela ding aliwa kanita king Dios linapit la; migbalik la lub at taimtim sinisi la.

Hosea 5:15

Gulutan ku la ding taung kanakung pinili anggang e ra tanggapan ing karelang kasalanan at anggang e ra ku panintunan. Mekad king karelang kasakitan magkapilit lang panintunan da ku.

Mateo 15:22

Ing metung a babaing taga Canaan a manuknangan king lugal a ita linapit ya at nganang dinalung, Makamal a ginu, Anak nang David, malunus kayu pu kanaku! Alipnan ne ning demonyu ing anak kung babai; masakit yang tutu daralanan.

Mateo 4:13

E ya menatili Nazaret nune minta ya at menuknangan Capernaum; metung yang balen ing Capernaum king lele ning Dagat-dagatan ning Genesaret, king sakup ning Zebulun at Neftali

Mateo 9:18

Samantalang sasabian nang Jesus iti, linapit ya ing metung a pamuntuk da ring Judio. Siniklaud ya king arapan nang Jesus at ngana, Kamate-mate na pa mu ning anak kung babai; oneng tukian mu ku at itumpak ing gamat mu king anak ku at mie ya.

Lucas 4:23

Ngana karela, Balu ku king sabian ye kanaku ing kasebian, Doktor, uluan mu ing kekang sarili. At sabian yu naman kanaku, Daptan mu munaman king kekang balen ing abalitan ming depat mu karin Capernaum.

Lucas 7:2

Karin ating metung a kapitan da ring sundalung Romano a tutung malugud king ipus na. Masakit ya iting ipus at atyu king bingit ning kamatayan.

Lucas 8:42

uling mamamate ya ing kabubugtungan nang anak a babai a labing aduang banua tua. Kabang dalan pilulupungan de ring tau i Jesus.

Juan 2:12

Kaybat na nita, minta ya Capernaum, kayabe ne i ima na, ding kapatad nang lalaki, at ding alagad na. Menatili la karin kilub ding mapilan a aldo.

Juan 21:2

Miyabe-abe la di Simon Pedro, Tomas (ing mayayaus Kambal), Nathanael a tau Cana, Galilea, ding anak nang Zebedeo, at ding adua pa karing alagad nang Jesus.

Josue 19:28

Ebron, Rehob, Hamon, at Kana angga na Sidon.