Juan 4:37 - Ing Mayap a Balita Biblia

³⁷ Kaniti ya mipatutuan ing kasebian, Aliwa ya ing tatanam at aliwa ya ing pupupul.

Juan 4:37 Iomraidhean Croise

Job 31:8

kanita paburen mung masira lang kakung tanaman, at king pupul ku ding aliwa ila ding mangan at makinabang.

Mikeas 6:15

Salbag kayung bini, oneng e yu palutan. Paslan yu la ding olibo ban manikua kayung laru, oneng e yu akuang agamit iti. Gawa kayung alak, oneng e yu akuang ainum iti.

Lucas 19:21

Tatakut ku kekayu uling masakit kayung pakiutusan; kakuanan yu ing e kekayu at pupupulan yu ing e yu tenam.

Juan 14:12

Ing katutuan sasabian ku kekayu: ing maniwala kanaku makarapat ya naman karing dapat a daraptan ku, at maygit pa kareti uling munta ku king Ibpa.

Juan 4:36

Tatanggap yang upa ing papalut at titipunan na la ding bunga para king bie alang angga ban kanita ing tatanam at ing papalut parehu lang tumula.

Juan 4:38

Tinubud da kayu ban pupulan ing e yu pipagalan. Ding aliwa ilang mepagal at ikayung makinabang king pipagalan da.

Ukum 6:3

Kabud meyari lang tinanam ding Israelita kanita no man datang ding Midianita, ding Amalekita, at ding libut-libut a tribu ning aslagan at lusuban da la.