Juan 4:32 - Ing Mayap a Balita Biblia

³² Oneng sinabi na, Atin kung pamangan a e yu balu.

Juan 4:32 Iomraidhean Croise

Job 23:12

Memintu kung alang kutang-kutang karing kautusan na; pemintuan kung kaburian na, at aliwa ing kaku.

Ding Dalit 119:103

Kayumu rang pilalasan ding kekang amanu! King pulut-panilan maygit la king yumu!

Ding Dalit 25:14

Kakaluguran na la ning Ginu ding mamintu karing utus na, at karela pabalu nang kasunduan na.

Ding Dalit 63:5

Ing kaladua ku kumabsi ya antimo neng ating piesta, pagkanta da ka karing masayang kanta ning kapurian.

Ding Kasebian 14:10

Bukud keka ing daralan mung problema; alang makapakiabe keka agyang king kekang ligaya.

Ding Kasebian 18:20

Pakibatan mu ing ibunga na ning balang amanung sasabian mu.

Isaias 53:11

Kaybat ning bie nang mitmung kasakitan, pasibayu yang mika kaligayan; abalu na king e mewalang kabaldugan ing keyang kasakitan. Ing tapat kung talasuyu a tutu kung pitutulan tanggapan na ing parusang mangaintulid karing dakal, at alang-alang keting talasuyu patawaran ku la.

Jeremias 15:16

Migsalita ka kanaku at pekiramdaman ku ing balang amanu mu. Keka ku, Ginung Dios a Mayupaya, inya ding kekang amanu kitmuan deng tula at ligaya ing pusu ku.

Juan 4:31

Samantala, ding alagad na namang Jesus pakisabian deng mayap. Ngara, Maestro, mangan na kayu.

Juan 4:33

Inya megumpisa lang mikukutnanan ding alagad, Atin kayang migdalang pamangan keya?

Juan 4:34

Nganang Jesus, Ing pamangan ku ya ing pamintuan ku ing kaburian na nitang mitubud kanaku at arian ing obrang mibie kanaku.

Ding Dapat 20:35

Depatan ku ing makanyan ba kung ipakit kekayu nung makananu tamung sukat pigisanan ing kekatamung sarili ban saupan la ding maina, kabang gaganakan ta la ding amanung sinabi na ning Ginung Jesus mismu, Lalu yang mapalad ing babie kesa king tatanggap.

Kapahayagan 2:17

Nung atin kang balugbug, makiramdam ka king sasabian na ning Espiritu karing iglesia! Karing magtagumpe, ibie ku ing makasalikut a manna a manibat banua. Ibie kia munaman king balang katau ing maputing batu nung nu ya makasulat ing metung a bayung lagyu a alang makibalu nune mu itang tanggap kaniti.