Juan 4:31 - Ing Mayap a Balita Biblia

³¹ Samantala, ding alagad na namang Jesus pakisabian deng mayap. Ngara, Maestro, mangan na kayu.

Juan 4:31 Iomraidhean Croise

Genesis 24:33

Inapagan deng pamangan, oneng e ya bisang mangan anggang e na asabi karela ing sangkan ning paniatang na. O dale, sabian mu na, nganang Laban.

Mateo 23:7

tutu rang buri ing pupugayan da la karing palengki at ausan da lang Maestro.

Mateo 23:8

Oneng ikayu e kayu payaus Maestro, uling mikakapatad kayu ngan at metung kayu mu Maestro.

Mateo 26:25

Kanita i Judas, ing magtaksil kang Jesus, migsalita ya, Aku galang ing amanuan mo, Maestro? Mekibat ya i Jesus, Ika na mismu ing sinabi.

Mateo 26:49

Inyang miras ya i Judas katataglus nang linapit kang Jesus at ngana, Mayap a bengi pu, Maestro! at saka ne inuma.

Marcos 11:21

Aganaka nang Pedro ing mepalyari at ngana kang Jesus, Maestro, lawan mu, melangi ya ing tanaman a higerang piniumpa mu!

Marcos 14:45

Karas nang Judas, agad neng lepitan i Jesus at ngana, Maestro! at inuma ne.

Marcos 9:5

Nganang Pedro kang Jesus, Maestro, masanting ing keti ta na. Gawa keng atlung kubu, metung para keka, metung para kang Moises, at metung para kang Elias.

Juan 1:38

Melikid ya i Jesus at kitnan na la inyang ikit nang tutukian de, Nanu ing panintunan yu? Mekibat la, Rabbi (ing buri nang sabian niting amanu, Maestro), nu karin ka manuknangan?

Juan 1:49

Nganang Nathanael, Maestro, ika ing Anak ning Dios! Ika ing Ari ning Israel!

Juan 11:8

Ngara ding alagad, Maestro, bayu pamu buri da kang basibasan ding Judio; ngeni magbalik na ka na naman karin?

Juan 3:2

Misan a bengi, iting lalaki minta ya kang Jesus. Ngana kang Jesus, Maestro, balu mi king metung kang talaturu a menibat king Dios, uling alang makagawa karing milagrung daraptan mu subali mu nung mamantabe ya keya ing Dios.

Juan 3:26

Inya pintalan de i Juan at sinabi ra, Maestro, itang lalaking akayabe yu kangatba ning Jordan a kekang sasabian karing tau, maminyag ya naman at pupuntalan de ring sablang tau!

Juan 4:30

Linual la ding tau king balen at pintalan de i Jesus.

Juan 4:32

Oneng sinabi na, Atin kung pamangan a e yu balu.

Juan 6:25

Inyang ikit da ne i Jesus king kangatba na ning dagat, kitnan de. Ngara, Maestro, kapilan ka pa dinatang keti?

Juan 9:2

Kitang da ring alagad na, Maestro, ninu ing makikasalanan king pangabait nang bulaging lalaking iti o ding pengari na?