Juan 4:24 - Ing Mayap a Balita Biblia

²⁴ Ing Dios Espiritu ya at detang sasamba king Dios kailangan king samban de king espiritu at king katutuan.

Juan 4:24 Iomraidhean Croise

Ding Dalit 145:18

Malapit ya ing Ginu karing sablang mamaus; mitmung katapatan.

Ding Dalit 50:23

Ing ninumang miyayain ain-a-kapasalamatan aku ing parangalan na; ing ninumang mabibieng makatuliran kaku tanggap yang kaligtasan.

Ding Dalit 51:17

Ing ain ku, O Dios ko, mapagpakumbaba yang espiritu. Ing pusung sisisi at magpakumbaba kapilan man e me tanggian.

Ding Dalit 66:18

Nung king kakung pusu manuknangan ing kasalanan, siguradung ing Ginu e na ku pakiramdaman.

Isaias 57:15

Aku ing matas at banal a Dios a mabie kapilan man. Manuknangan ku king matas at banal a lugal, oneng manuknangan ku munaman libutad da ring taung mapagpakumbaba at sisisi ban abalik ku ing kapanaligan at ing kapanayan da.

Juan 4:23

Oneng daratang na ing oras, at miras na, nung kapilan ding tune sasamba samban de ing Ibpa king espiritu ampon king katutuan. Ding anti kareti ila ding buri nang samba ning Ibpa keya.

2 Corinto 1:12

Iti ya ing pagmaragul mi: patutuan na ning pilubluban mi king ing pamakiabe mi karing sabla, lalung-lalu na kekayu, tapat at alang pamagkunwari. Iti uli na ning saup ning Dios at e uli na ning kabiasnan-tau.

2 Corinto 3:17

Ing Ginung mababanggit ya ing Espiritu, at nung nu ya atyu ing Espiritu ning Ginu, karin ating kalayaan.

Filipos 3:3

Ganakan yu king aliwa ila, nune itamu ding tune mesirkunsisyun uling sasamban ta ya ing Dios agpang king Espiritu na, at miyayatdanan tamung tula king bie tamung makayabe kang Cristo Jesus. E tamu kailangan ing magtiwala king seremonia na ning pamaniugat king katawan.

1 Timoteo 1:17

King metung mung Dios, Aring alang angga, alang kamatayan at e mayayakit miyabie ing kapurian at ligaya king kapilan pa man! Amen.

1 Samuel 16:7

Oneng ngana ning Ginu kang Samuel, E ka lalawe king sintingan o king katas na uling aliwa ya ing pinili ku. E na kalupa ning pamaglalawe na ning tau ing pamaglalawe ku. Lalawe ya mu ing tau ketang makalual king tau, oneng aku, ing Ginu, lalawe ku king pusu.