Juan 4:23 - Ing Mayap a Balita Biblia

²³ Oneng daratang na ing oras, at miras na, nung kapilan ding tune sasamba samban de ing Ibpa king espiritu ampon king katutuan. Ding anti kareti ila ding buri nang samba ning Ibpa keya.

Juan 4:23 Iomraidhean Croise

1 Cronica 29:17

Balu ku, O Dios, king sasalugsugan me ing pusu at tutula ka karing taung matulid. Iyain ku ngan iti king kusang lub. Ikit kung matula ing kalausan dang lub minie deting taung kekang memalen.

Ding Dalit 147:11

oneng manakit yang tula karetang babie kagalangan, karetang magtiwala king tapat nang lugud.

Ding Dalit 17:1

O Ginu, pakiramdaman mu ku; katuliran ing aduan ku; kakung dalangin miras sa king kekang panandam, uling tau kung e maglinlang.

Ding Dalit 32:2

Mapalad ya ing taung king Ginu alang atrasu at alang kapamiraitnan king keyang pusu.

Ding Dalit 51:6

Katapatan at katutuan ing kekang panenayan; katmuan me sa king kekang kabiasnan ining kakung kaisipan.

Ding Kasebian 15:8

Tutula ya ing Ginu neng manalangin la ding taung mayap, oneng masusumami ya karing ain da ring taung e mayap.

Ing Malagung Diling Kanta 2:14

Anti ka king patipati a salasalikut karing siwang da ring batu. Paburen mung akit ke ing malagu mung lupa at damdaman ing malagu mung siwala.

Isaias 10:20

Datang ing panaun nung kapilan ding memalen na ning Israel a miligtas king mua na ning Dios e na la kapilan man manalig king bansa a digsu na mekamate karela. Tune rang ibili ing kapanaligan da king Ginu, ing Dios a banal ning Israel.

Isaias 29:13

Ngana ning Ginu, Sasabian da reting tau king sasamban da ku, oneng ala lang kabaldugan ding amanu ra at marayu la kanaku ding pusu ra. Alang keliwan ing karelang relihiun karing tuntunan at piyuyugalian da ring tau, at makagyu mu ing minemoria da la.

Isaias 43:21

Ila ding taung lelangan ku para king sarili ku, at ikanta da kaku ing kapurian!

Isaias 58:2

Sasamban da ku aldo-aldo at sasabian da king matula da lang buring abalu ding tuntunan ku at pamintuan ding kanakung kautusan. Aduan da ing dinan ku lang kautusan a makatuliran at matutula lang sasamba kanaku.

Jeremias 3:10

Kaybat na nita, i Juda, ing taksil a kapatad nang Israel, migkunwari yang magbalik kanaku; e laus king lub na. Aku, ing Ginu, ing migsalita.

Jeremias 4:2

maging matulid at ustu para kekayu ing sumpa kayu king kapamilatan na ning lagyu ku. Ding sablang bansa kanita aduan da kanaku ing bendisyunan ku la at ila purian da ku.

Ezekiel 22:30

Menintun kung agyang metung mung tau a malyaring makatalakad metung a pader, itang malyaring makatalakad tulid da ring pader a metibag ban karin idipensa ne ing bansa potang ing mua ku lasakan ne. Oneng e ku menakit.

Juan 1:17

Binie ne ning Dios ing Kautusan king kapamilatan nang Moises, oneng ing lugud na at katutuan miras karing tau king kapamilatan nang Jesu-Cristo.

Juan 12:23

Pekibat nang Jesus, Dinatang na ing oras ban mipaligayan ya ing Anak ning Tau.

Juan 16:2

Itiwalag da kayu karing sinagoga. Datang ing panaun potang ing ninumang makamate kekayu isipan na king susuyu ya king Dios.

Juan 16:32

Daratang ing oras, at makaras na ing misalbag-salbag kayu; muli ya ing balang metung king sarili nang bale at lakuan yu kung magdili-dili. Oneng e ku tune magdili-dili uling kayabe ke ing Ibpa.

Juan 4:21

Nganang Jesus, Babae, maniwala ka kanaku, datang ing oras nung kapilan ding tau e re samban ing Ibpa keting bunduk o king Jerusalem man.

Juan 5:25

Ing katutuan sasabian ku kekayu: daratang na ing panaun, at miras na, nung kapilan damdaman da ring mete ing siwala na ning Anak ning Dios. At detang makaramdam mie la.

Juan 5:28

E yu pagmulalan iti; uling daratang na ing oras nung kapilan ding sablang atyu karing kutkutan damdaman da ing siwala na

Roma 1:9

Balu na ning Dios a susuyuan ku king kabilugan na ning pusu ku king pamanaral king Mayap a Balita tungkul king Anak na, king parati da kayung ipanalangin.

Roma 8:15

Uling ing Espiritu a binie na ning Dios kekayu e na kayu papalyarian ipus ba kayung pasibayung mangatmung takut; nune papalyarian na kayung maging anak na ning Dios. Potang ausan ta ya ing Dios: Tatang, Tatang ko!

Roma 8:26

King anti kanyan munamang paralan daratang ya ing Espiritu ban saupan na katamu uling tau tamung maina. Uling e tamu man balu nung makananu tamung sukat manalangin; oneng ing Espiritu ya mismu ing magparalampu arapan na ning Dios para kekatamu, king dalung a e ra man asabi ding amanu na ning tau.

Galacia 4:6

Anting katunayan king ikayu pin anak na kayu, tinubud ne ning Dios ing Espiritu na ning Anak na karing pusu tamu, ing Espiritung mamaus masikan, Tatang, kanakung Tatang.

Efeso 6:18

Daptan yu ing sablang iti king kapamilatan na ning panalangin at pamagamuamu king Dios. Manalangin kayu king sablang oras king patnube ning Espiritu. Inya parati kayung makasadia at manatiling manalangin para karing sablang pinili na ning Dios.

Filipos 3:3

Ganakan yu king aliwa ila, nune itamu ding tune mesirkunsisyun uling sasamban ta ya ing Dios agpang king Espiritu na, at miyayatdanan tamung tula king bie tamung makayabe kang Cristo Jesus. E tamu kailangan ing magtiwala king seremonia na ning pamaniugat king katawan.

Josue 24:14

Inya ngeni, nganang Josue, galangan ye ing Ginu, at suyuan king mitmung kataimtiman at katapatan. Ilako yu la ding aliwang dios a simban da ring makatua yu karin Mesopotamia at Ehipto, at ing bukud mung suyuan yu ya ing Ginu.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.

1 Samuel 12:24

Maygit king sabla sukat yeng pitakutan ing Ginu at suyuan yeng mitmung katapatan king mabilug yung pusu. Ganakan yu ing kayapan a depat na kekayu.