Juan 4:14 - Ing Mayap a Balita Biblia

¹⁴ oneng e ne kumau kapilan man ing ninumang minum king danum a ibie ku. Uling ing danum a ibie ku keya maging sibul ya kilub na at ibie ne ing bie alang angga.

Juan 4:14 Iomraidhean Croise

Isaias 49:10

e na la dumanup o kumau kapilan man. E na la ananu balang ning pali ning aldo at ning disyerto, uling ing karela manimuna ya itang malugud karela. Tairan na la king danum da ring batis.

Isaias 55:1

Ngana ning Ginu, Me ko keni, ikong sablang kakau, oyni ing inuman yo! Me ko keni, ikong alang pera, sali kayung trigu at mangan kayu! Me ko keni, sali kayung alak at gatas, e kayu magastus nanuman!

Isaias 58:11

At manatili kung matnube kekayu at katmuan da kayu king sablang mayap a bage. Pasiknangan da kayu at dinan mayap a pamikakatawan. Mangari kayu karing tanaman king mulahan a parating madidilig at anting batis a e kakati.

Jeremias 2:13

uling ding taung pinili ku dinapat lang aduang pamikasala; ginulut la kaku, ing sibul ning malinis a danum, at ginawa lang pilulanan a e mu adatukanan danum.

Jeremias 31:25

Dinan ku lang kapaynawan detang mapagal at pakabsian ing balang metung a maina uli na ning danup.

Ezekiel 47:9

Nu mang lugal miras ing agus mika miyayaliwang uring animal at asan, uling milako na ing kalat ning danum. Ilako na ning agus ing kalat na ning danum ning Dagat a Mete, at nu man miras mika ating bie.

Levitico 11:36

Makanyan man, ing panibatan na ning danum o kaya ing talaga manatili yang malinis; pero ituring yang e malinis ing tagkil king bangke da reting animal.

Mateo 25:46

Inya munta la king alang anggang kaparusan, oneng ding taung makatuliran munta la king bie alang angga.

Mateo 5:6

Mapalad la ding daranup at kakau king kabanalan na ning Dios, uling pakabsian na la!

Juan 10:10

Daratang ya ing mapanako ba ya mung manako, makamate, at manyira. Dinatang ku ba lang mika biebie a labis-labis.

Juan 11:26

at ing ninumang mabibie at maniwala kanaku e mate kapilan man. Paniwalan mu ite?

Juan 4:10

Sinabi nang Jesus, Nung balu mu mu ing babie ning Dios at nung ninu ing maki-inum, mekad ika na ing maniawad keya at ibie na keka ing danum a mabie.

Juan 4:11

Ngana ning babai, Ala kang paniaklu, ginu, at malalam ya ing talaga. Nukarin ka kumang danum a mabie?

Juan 4:13

Mekibat ya i Jesus, Kumau yang pasibayu ing ninumang minum king danum niting talaga;

Juan 4:36

Tatanggap yang upa ing papalut at titipunan na la ding bunga para king bie alang angga ban kanita ing tatanam at ing papalut parehu lang tumula.

Juan 6:27

E yu panintunan ing masisirang pamangan, nune panintunan yu ing pamangan a manatili angga king bie alang angga. Ibie na iti kekayu ning Anak ning Tau uling ya ing dininan nang upaya ning Dios Ibpa.

Juan 6:35

Nganang Jesus karela, Aku ing tinape ning bie. E ya dumanup kapilan man ing lumapit kanaku at e ya kumaung danum kapilan man ing maniwala kanaku.

Juan 6:58

Iti ya ing tinapeng tinipa ibat banua. E ya anti king pengan ding makatua yu. Mengan la, oneng kaybat mete la. Ing mamangan king tinapeng iti mie ya kapilan man.

Juan 7:37

King tauling aldo, ing maragul diling aldo na ning piesta, tinalakad ya i Jesus at sinabi nang masikan, Nung ing ninuman kakau ya, lumapit ya kanaku at minum.

Roma 5:21

Inya nung makananung mig-ari ing kasalanan king kapamilatan na ning kamatayan, makanyan munaman mig-ari ing grasya na ning Dios king kapamilatan na ning kapatawaran ban kamtan tamu ing bie alang angga king kapamilatan nang Jesu-Cristo a Ginu tamu.

Roma 6:23

Ing bayad na ning kasalanan, kamatayan; oneng ing regalung kusa nang babie ning Dios ya ing bie alang angga kayabe nang Cristo Jesus a Ginu tamu.

2 Corinto 1:22

Tetakan na kami bilang bandi na, at dininan king Espiritu na, antimong katibayan king tuparan na ing pengaku na.

Efeso 4:30

At e ye sa palungkutan ing Banal a Espiritu uling ya ing tatak na ning Dios kekayu, ya ing katibayan na ning kekayung pangayatbus potang datang ne ing Aldo mituldu.

1 Pedro 1:22

Ngening ikua yung melinis king kapamilatan na ning pamanupad yu king katutuan, at ikua yung mika tapat a lugud karing kapatad yu king kasalpantayanan, manatili kayu sanang mikakalugud kayabe na ning mabilug yung pusu.

1 Juan 5:20

At balu tamu king dinatang ya keti king yatu ing Anak ning Dios at dininan na katamung pamanalastas ban akilala ta ya ing Dios a tutu, at king itamu atyu tamu king Dios a tutukayabe nang Jesu-Cristo a Anak na. Ya ing Dios a tutu at ya ing bie alang angga.

Kapahayagan 7:16

E na la dumanup ni kumau kapilan man; e na la mibilad pa king pali ning aldo o mapaltus king isanu mang pali.

Kapahayagan 7:17

Uling ing Kordero a atyu libutad ning tronu ya ing maging pastul da, at idala na la karing sibul ning danum a babie bie, at pulisan nang lubus ning Dios ing lua karing mata ra.