Juan 4:11 - Ing Mayap a Balita Biblia

¹¹ Ngana ning babai, Ala kang paniaklu, ginu, at malalam ya ing talaga. Nukarin ka kumang danum a mabie?

Juan 4:11 Iomraidhean Croise

Jeremias 2:13

uling ding taung pinili ku dinapat lang aduang pamikasala; ginulut la kaku, ing sibul ning malinis a danum, at ginawa lang pilulanan a e mu adatukanan danum.

Juan 3:4

Kitang nang Nicodemo, Makananu yang mibait pasibayu ing tau nung matua ne? Makapagbalik ya pa wari king atian nang ima na ba yang mibait pasibayu?

Juan 4:14

oneng e ne kumau kapilan man ing ninumang minum king danum a ibie ku. Uling ing danum a ibie ku keya maging sibul ya kilub na at ibie ne ing bie alang angga.

Juan 7:37

King tauling aldo, ing maragul diling aldo na ning piesta, tinalakad ya i Jesus at sinabi nang masikan, Nung ing ninuman kakau ya, lumapit ya kanaku at minum.

Ding Dapat 10:14

Oneng mekibat ya i Pedro, Ginu, e ku malyaring gawan yan! Kapilan man e ku pa mengan nanumang pamangan a marinat o midinatan.

1 Corinto 2:14

Oneng ing e na panuknanganan ning Espiritu e na la malyaring atanggap ding regalu na ning Espiritu ning Dios. E na la siguradung aintindian; ala lang kabaldugan para keya uling ing ulaga ra malyari mung mayakit dapat king espiritu.

Kapahayagan 21:6

Ngana pang sinabi, Metupad na! Aku ing Alpha at ing Omega, ing mumuna at katataulian. Ibie kung alang bayad king ninumang kakau ing danum ning sibul ning bie.

Kapahayagan 22:1

Kanita pepakit nia naman kanaku ning anghel ing ilug a babie bie. Malino anting kristal ing danum na uling manibatan king tronu na ning Dios at ning Kordero.

Kapahayagan 22:17

Ngana ning Espiritu at ning Babaing kakasal, Mekeni! Ding sablang makaramdam kaniti kailangan ing sabian da naman, Mekeni! Ing ninumang kakau, lumapit ya; paburen yeng kuma ing bisa king danum a babie bie. Iti alang bayad.

Kapahayagan 7:17

Uling ing Kordero a atyu libutad ning tronu ya ing maging pastul da, at idala na la karing sibul ning danum a babie bie, at pulisan nang lubus ning Dios ing lua karing mata ra.