Juan 3:8 - Ing Mayap a Balita Biblia

⁸ Tutiup ya ing angin king lugal a buri na at daramdaman yu ing biung na, oneng e yu balu nung nu manibat at nung nu pupunta. Makanyan munaman ing mapapalyari king balang metung a mibabait king Espiritu.

Juan 3:8 Iomraidhean Croise

Ding Dalit 107:25

King amanu na tiniup ing angin a masikan, at meragul la ding alun ning dagat.

Ding Dalit 107:29

Pepatahimikan na ing bagyung masikan; ding alun a maragul tinuknang la naman.

Ding Dalit 135:7

Ya ing paratang king biga ibat karing suluk ning yatu; ya ing pasari king kildap neng babagyu, at papalual king angin king keyang pisisinupan.

Ecclesiastes 1:6

Tutiup ing angin king mauli at tutiup munanaman king norti; durut-durut alang patugut ing angin.

Ezekiel 37:9

Ngana ning Dios kanaku, Anak ning tau, magsalita ka king angin. Sabian mu king angin king ing Ginung Dios utusan neng datang ibat karing miyayaliwang lugal ban pangisnawanan da la reting mete katawan at ban biayan na la.

Juan 1:13

Meging anak na la ning Dios e king kapamilatan na ning daya o ning pamitan ning laman o ning dapat ning tau; ing Dios mismu ya ing Ibpa ra.

Juan 3:7

E mu pagmulalan ing sinabi ku keka, Kailangan kayu ngan mibait pasibayu.

Juan 3:9

Nganang kinutang Nicodemo, Makananu lang mapalyari deting bage?

Ding Dapat 2:2

Kabud-abud mika alingongo a menibat king banua a balamu biung na ning masikan a angin; kitmuan ne ing bale nung nu la pakalukluk.

Ding Dapat 4:31

Kayari dang menalangin, minugun ya ing bale nung nu la makatipun at mikatmuan la ngan king Banal a Espiritu, at megumpisa lang migsalitang mitmung tetagan a lub king amanu na ning Dios.

1 Corinto 12:11

Oneng metung ya mu ing Espiritu a darapat kareti; babie yang miyayaliwang kagiwan karing tau, ketang kaburian na.

1 Corinto 2:11

Ninu ing taung makibalu king isipan na ning tau subali mu king espiritu a atyu keya? Inya alang makibalu king Dios nung aliwa mu ing Espiritu na.

1 Juan 2:29

Nung balu yu king i Cristo banal ya, sukat yu namang abalu king ing balang darapat kabanalan anak ne ning Dios.