Juan 3:6 - Ing Mayap a Balita Biblia

⁶ Ing mibait king laman, laman ya at ing mibait king Espiritu, espiritu ya.

Juan 3:6 Iomraidhean Croise

Genesis 5:3

Dinalan atlung pulung banua ne i Adan inyang ayanak ne ing metung a anak a lalaking kawangis na. Set ing pemalagyu na king anak na.

Genesis 6:12

Linawe ne ning Dios ing yatu at ikit nang e ya meging mayap, uling mabibie la ngan ding sablang tau king e ustu.

Genesis 6:5

Ikit na ning Ginu king tutu nang mikalat ing kasalanan ning tau king yatu at parating e mayap ing atyu king isip na.

Job 14:4

Kapilan man alang malinis a malyaring manibatan king nanumang marinat antimo ing tau. Ala metung man.

Job 25:4

Atin metung mu man a malyaring maging matulid o malinis king arapan na?

Ding Dalit 51:10

Gawan meng malinis ing pusu ku, O Dios ko, ibayu me ing pilubluban ku, at katapatan ibie mu kaku.

Juan 1:13

Meging anak na la ning Dios e king kapamilatan na ning daya o ning pamitan ning laman o ning dapat ning tau; ing Dios mismu ya ing Ibpa ra.

Juan 3:7

E mu pagmulalan ing sinabi ku keka, Kailangan kayu ngan mibait pasibayu.

Roma 7:18

Balu ku king alang kayapan a mayayakit kanaku, ngaku wari, king kanakung pangatau. Agyamang atyu kanaku ing bisang dapat king mayap, e ku ararapat.

Roma 7:25

Salamat king Dios a darapat kaniti king kapamilatan nang Jesu-Cristo a Ginu tamu! Inya, iti ngeni ing kanakung kabilian: king sarili kung pamisip asuyuan ke ing kautusan na ning Dios, oneng ing maina kung pangatau susuyuan ne ing kautusan na ning kasalanan.

Roma 7:5

Uling kanitang mibiebie tamu, agpang king katutubu ning kekatamung pangatau, ding e mayap nang nasa a ginising na ning Kautusan ilang magobra karing kekatamung katawan at ing maging bunga na ya ing kamatayan.

Roma 8:13

Uling mate kayu nung mibiebie kayu ketang agkat na ning katutubung pangatau; nung king agkat na ning Espiritu papaten yu ing e mayap nang pamitan ning katawan, mie kayu.

1 Corinto 6:17

Oneng itang makisanmetung king Ginu makisanmetung ya keya king Espiritu.

2 Corinto 5:17

Inya ing ninumang makisanmetung kang Cristo metung yang bayung lelangan. Ala na ing sadia nang pangatau; mibayu neng lubus.

Galacia 5:24

At ding sablang atyu kang Cristo Jesus anti da nang pinaku king krus ing sablang pamitan na at marawak a buri na ning karelang pangatau.

Efeso 2:3

Makakayabe tamu kareti king panaun a milabas; mibiebie tamu agpang king marawak nang kapagnasan ning laman at penusignan tamu ing e mayap nang hilig ning kekatamung katawan at kaisipan. Inya king katutubu tamung kabilian makakayabe tamu karing taung kamuan na ning Dios, kalupa da ring aliwa.

Colosas 2:11

Mesirkunsisyun kayu king pangayabe yu kang Cristo, e king sirkunsisyun a karaniwan dang daraptan ding tau, nune king pamagsirkunsisyun nang Cristo, ing sirkunsisyun a lubus midadayu kekayu king upaya na ning palpikasalang laman.

1 Juan 3:9

Ing ninumang anak ning Dios, e na susundu ing pamaniapat kasalanan, uling atin neng bayung bie ibat king Dios. At anti na ning ing Dios ya ing Ibpa na, e na na malyaring isundu ing pamaniapat kasalanan.