Juan 3:5 - Ing Mayap a Balita Biblia

⁵ Mekibat ya i Jesus, Ing katutuan sasabian ku keka: subali mu nung mibait ya king danum at king Espiritu ing tau e ya makalub king Kayarian ning Dios.

Juan 3:5 Iomraidhean Croise

Mateo 18:3

at ngana, Tandanan yu ini! Nung e kayu magbayu ugali at maging kalupa da ring anak, e kayu milub kapilan man king Kayarian ning Banua.

Mateo 19:24

Sasabian ku naman kekayu: mas mayan pa ing dumalan ya ing metung a kamelyu king busbus na ning karayum kesa king lungub ya king Kayarian ning Dios ing metung a mabandi.

Mateo 21:31

Ninu karing adua ing tinupad king kaburian na ning tata? Itang pangane, ngarang mekibat. Sasabian ku ngeni kekayu, nganang Jesus karela, muna la pang lungub king Kayarian ning Dios kesa kekayu ding talapanyingil buis ampon ding babaing magtinda king katawan da.

Mateo 28:19

Inya munta kayu at gawan yu lang alagad ku ding sablang bansa. Binyagan yu la king lagyu ning Ibpa at ning Anak at ning Banal a Espiritu

Mateo 3:11

Bibinyagan da kayu king danum ban mipakilala king sisisian yu la at painggulutan ding kasalanan yu; oneng ing daratang katuki ku lalu yang mayupaya kesa kanaku. E ku man karapatdapat mamitbit karing sandalyas na. Binyagan na kayu king Banal a Espiritu at king api.

Mateo 5:20

Sasabian ku kekayu, nung e yu la igitan ding talaturu ning Kautusan at ding Pariseo king pamanupad king kaburian ning Dios, e kayu milub king Kayarian ning Banua.

Marcos 10:14

Inyang apansin nang Jesus iti, mimua ya at sinabi na karela, Paburen yu lang lumapit kanaku ding anak; e yu la babawalan, uling para karing anti kareti ya ing Kayarian ning Dios.

Marcos 16:16

Miligtas ya ing ninumang maniwala at pabinyag; oneng miparusan ya ing ninumang e maniwala.

Marcos 9:47

At nung ing mata mu ya ing panibatan na ning pamikasala mu, dukitan me! Mayap pa ing metung ka matang lungub king Kayarian ning Dios, kesa king adua ka matang miyugse king impierno.

Lucas 13:24

Pagpilitan yung milub king makiput a pasbul. Sasabian ku kekayu, dakal la ding bisang lungub oneng e la milub.

Lucas 13:3

Ali! Sasabian ku kekayu: nung e kayu sumisi at painggulut karing kekayung kasalanan mate kayu ngang kalupa ra.

Lucas 13:5

Ali la! Oneng sasabian ku kekayu: nung e kayu sumisi at painggulut karing kekayung kasalanan, mate kayu namang kalupa ra!

Juan 1:13

Meging anak na la ning Dios e king kapamilatan na ning daya o ning pamitan ning laman o ning dapat ning tau; ing Dios mismu ya ing Ibpa ra.

Juan 3:3

Mekibat ya i Jesus, Ing katutuan sasabian ku keka: subali mu nung mibait yang pasibayu ing tau e ne akit ing Kayarian ning Dios.

Juan 3:4

Kitang nang Nicodemo, Makananu yang mibait pasibayu ing tau nung matua ne? Makapagbalik ya pa wari king atian nang ima na ba yang mibait pasibayu?

Ding Dapat 2:38

Pekibat nang Pedro karela, Sumisi kayu at painggulut karing kekayung kasalanan, ing metung at metung kekayu, at pabinyag kayu king lagyu nang Jesu-Cristo ba lang mipatawaran ding kekayung kasalanan at tanggapan ye ing Banal a Espiritu, ing regalu ning Dios.

Ding Dapat 3:19

Inya ngeni sumisi kayu at magbalik lub king Dios ban mipatawaran ing kasalanan yu,

Roma 14:17

Uling ing Kayarian ning Dios e ya mangabaldugan pamangan o inuman, nune metung yang bage a makatungkul king kabanalan, kapayapan at tula a babie na ning Banal a Espiritu.

Roma 8:2

Ing kautusan ning Espiritu a babie king bie a makayabe kang Cristo Jesus, leko na ku king kautusan ning kasalanan at kamatayan.

1 Corinto 15:50

Kapatad, iti ya ing buri kung sabian: e ya malyaring mirakayanan ing laman at daya king Kayarian ning Dios, at itang katawan a ibat king gabun e na malyaring tanggapan ing bie alang angga.

1 Corinto 2:12

Aliwa ing espiritu na ning yatu ing tinggap tamu. Ing Espiritu a tinggap tamu ya ing Espiritung ibat king Dios ban abalu tamu ngan ing sablang grasyang binie na ning Dios kekatamu.

1 Corinto 6:11

Anti la kareting mebanggit ding mapilan kekayu. Oneng mewas na ing kasalanan yu; mitalaga na kayu king Dios at meging banal uli na ning lagyu ning Ginung Jesu-Cristo, at uli na ning Espiritu ning kekatamung Dios.

Galacia 6:15

Alang ulaga nung ing metung a tau mesirkunsisyun ya man o ali ya. Ing bukud mung maulaga ya ing metung yang lelangan a lubus nang mibayu.

Efeso 5:26

ban mitalaga ya ing iglesia king Dios king upaya na ning amanu kaybat neng lininis at inos.

1 Pedro 1:2

Ikayu ding pinili na ning Dios Ibpa ketang parasan na at pepabanalan na kapamilatan na ning Espiritu na ban mamintu kang Jesu-Cristo, layun luminis king upaya na ning kamatayan na. Ing grasya at kapayapan manatili sanang labis-labis kekayu.

1 Pedro 3:21

Ing binyag a lalarawan na ning danum ya ngeni ing makaligtas kekayu. Iti e ya mistulang pamanos king dinat na ning katawan, nune metung yang pangakung sasabian na ning tau king Dios ibat king malinis a konsiensia. Makakabus kekayu ing binyag king kapamilatan na ning pangasubli nang mebie Jesu-Cristo

1 Juan 2:29

Nung balu yu king i Cristo banal ya, sukat yu namang abalu king ing balang darapat kabanalan anak ne ning Dios.

1 Juan 5:1

Anak ne ning Dios ing ninumang maniwala king i Jesus ya ing Cristo, at ing ninumang lulugud king tata lulugud ya naman king anak na.