Juan 3:36 - Ing Mayap a Balita Biblia

³⁶ Atin yang bie alang angga ing maniwala king Anak; oneng e ya mirinan bie ing e mamintu king Anak, nune manatili keya ing milalablab nang mua ning Dios.

Juan 3:36 Iomraidhean Croise

Job 33:28

Sebat na ing pangabaldug ku king tuknangan da ring mete, at angga ngeni atin kung bie.

Ding Dalit 36:9

Atyu keka ing sibul ning bie; ing aslag mung tagle ya ing keke matnube.

Ding Dalit 49:19

makanyan man potang mate ya ding makatua na akayabe na la; manatili ya kapilan man king karalumduman.

Habakuk 2:4

At iti ya ing mensahi: E la miligtas detang e mayap, oneng detang matulid a pamibiebie mie la, uli na ning kasalpantayanan da king Dios.

Ding Bilang 32:11

Uling e la memintu kanaku king mabilug dang pusu, ala metung mang miras king gabun a pengaku kung ibie kang Abraham, Isaac, at Jacob karing lalaking ibat king Ehipto a magumpisa king idad aduang pulung banua.

Mateo 25:46

Inya munta la king alang anggang kaparusan, oneng ding taung makatuliran munta la king bie alang angga.

Marcos 16:16

Miligtas ya ing ninumang maniwala at pabinyag; oneng miparusan ya ing ninumang e maniwala.

Lucas 2:30

Ikit da na mu rin ding mata ku ing kekang pamagligtas

Lucas 3:6

Ding sablang tau akit da ing pamagligtas na ning Dios!

Juan 1:12

Makanyan man karetang tinanggap at meniwala keya binie na ing karapatan a maging anak na la ning Dios.

Juan 10:28

Dirinan ku lang bie alang angga at e la mipahamak kapilan man. Alang makasamsam kareti kanaku.

Juan 3:3

Mekibat ya i Jesus, Ing katutuan sasabian ku keka: subali mu nung mibait yang pasibayu ing tau e ne akit ing Kayarian ning Dios.

Juan 4:36

Tatanggap yang upa ing papalut at titipunan na la ding bunga para king bie alang angga ban kanita ing tatanam at ing papalut parehu lang tumula.

Juan 5:24

Ing katutuan sasabian ku kekayu: ing makiramdam king amanu ku at maniwala king mitubud kanaku atin yang bie alang angga. E ya mayatul, nune ibat king kamatayan linipat ne king bie.

Juan 6:58

Iti ya ing tinapeng tinipa ibat banua. E ya anti king pengan ding makatua yu. Mengan la, oneng kaybat mete la. Ing mamangan king tinapeng iti mie ya kapilan man.

Juan 8:51

Ing katutuan sasabian ku kekayu: ing tutupad king tuturu ku e na takman kapilan man ing kamatayan.

Ding Dapat 14:2

Oneng detang Judio a e bisang maniwala sitsutan da la ring paganu at abaligtad da la panamdam laban karing talasalpantaya.

Roma 4:15

Gigisingan na mu ning Kautusan ing milalablab nang mua ning Dios; nung nukarin alang kautusan, ala munamang pamaglabag king kautusan.

Roma 5:9

Anti na ning ngeni milapit ta na king Dios king kapamilatan na ning kamatayan nang Cristo, e kasi lalu tamung asisiguru king iligtas na katamu king mikakalabkab nang mua ning Dios!

Roma 8:1

Inya e na la miyatulan kaparusan detang mabibie kang Cristo Jesus.

Galacia 3:10

Ding sablang magtiwala king pamamintu king Kautusan mabibie la lalam na ning metung a sumpa. Uling sasabian na ning kasulatan, Makasumpa ya ninumang e mamintu king sablang makasulat king libru na ning Kautusan!

Efeso 5:6

E kayu paipirait kenuman king kapamilatan na ning mangasanting dang amanu, uling king dapat a anti kaniti karin ya mimimua ing Dios karing taung e mamintu keya.

1 Tesalonica 1:10

at manaya king pamagbalik na ibat banua ning Anak na, i Jesus, ing pepasublian nang mebie. I Jesus ya naman ing magligtas kekatamu king daratang nang milalablab nang mua ning Dios.

1 Tesalonica 5:9

E na katamu telaga ning Dios ban magdusa king mua na, nune ban iligtas king kapamilatan na ning Ginu tamung Jesu-Cristo.

Hebreo 10:29

e kasi lalu yang mabayat ing parusang dugpa king taung maninsultu king Anak ning Dios at lalapastangan king dayang meging katibayan na ning tipan ning Dios at pepabanal keya at king taung maninsultu king Espiritung magdalang lunus?

Hebreo 2:3

Makanyan tamu namang e malyaring lisian ing parusa, nung e tamu balung ingatan iting kaligtasan a e mu nanu degulan. Ing Ginu mismu ya ing minunang pepabalu kaniting kaligtasan at patunayan da kekami ding sablang mekaramdam king iti katutuan.

Hebreo 3:18

Inyang nganang miniumpa ning Dios, E la miras kapilan man king lugal ning kapaynawan a sidia ku para karela, ninu ding taung amanuan na? Aliwa wari detang mig-rebeldi laban keya?

Hebreo 3:19

Inya balu tamung e la milub king gabun a pengaku na karela uling e la meniwala king Dios.

Kapahayagan 21:8

Oneng makatakut ing miras karing duag, karing taksil, karing magpasasa king e mayap, karing makamate tau, karing makipangalugud, karing mangkukulam, karing sasambang idolo, at karing sablang malaram. Miyugse la king dagat-dagatan na ning api at asupri; ing kaduang kamatayan.