Juan 3:35 - Ing Mayap a Balita Biblia

³⁵ Kaluguran ne ning Ibpa ing Anak at binie na keya ing sablang bage.

Juan 3:35 Iomraidhean Croise

Genesis 41:44

Ngana pa ning ari kang Jose, Aku ing ari; alang ninumang makatas king gamat na o bitis king mabilug a bansa ning Ehipto nung e mu paintulut.

Genesis 41:55

Sinaingsing la king ari ding tau Ehipto inyang ala na lang apangan. Sinabi na ning ari karing sablang tau Ehipto king puntalan de i Jose. Gawan yu ing nanumang sabian na kekayu, ngana karela.

Ding Dalit 2:8

Maniawad ka at ibie ku lang sablang bansa keka; pati na ing mabilug a yatu iyabe mu la king bandi mu.

Ding Kasebian 8:30

Atyu ku siping na anting maestro de obra, aldo-aldo aku ing tula na; king arapan na parating masaya;

Isaias 42:1

Nganang sasabi ning Ginu, Oyni ing kakung talasuyung kakung pasiknangan; ya ing kakung pinili at bina kung matula. Kitmuan ke king kakung upaya, at king balang bansa idala na ing hustisia.

Daniel 7:14

Midinan yang kayupayan, dangalan, at upayang ari ban suyuan de ring tau da ring bansa, lahi, at salita. Manatili king kapilan pa man ing kayupayan na at e ya miwakasan ing kayarian na.

Mateo 11:27

Ing sabla binie na kanaku ning Ibpa ku at alang makakilala king Anak nune mu ing Ibpa, at alang makakilala king Ibpa nune mu ing Anak at detang birian nang makakilala keya ning Anak.

Mateo 17:5

Kasalukuyan na pang magsalita inyang tikpan na la ning maslag a biga. Meramdam ya ibat king biga ing metung a siwala. Ngana, Iti ya ing Anak kung pakamalan a lubus kung katulan. Pakiramdaman ye!

Mateo 28:18

Lepitan na lang Jesus at ngana karela, Miyabie kanaku ing sablang kayupayan karin banua at keti king yatu.

Mateo 3:17

Migsalita yang ibat banua ing metung a siwala ngana, Iti ya ing Anak kung pakamalan a tutu kung katulan.

Lucas 10:22

Binie nang Ibpa ku kanaku ing sablang bage. Ala metung mang makibalu nung ninu ing Anak subali mu ing Ibpa, at ala metung mang makibalu king Ibpa subali mu ing Anak at detang buri nang pabaluan ning Anak.

Juan 13:3

Balu nang Jesus king ing sablang upaya binie na na ning Ibpa keya at king ibat ya king Dios at papunta ya king Dios.

Juan 15:9

Nung makananu na kung liguran ning Ibpa, makanyan da kayu namang liguran. Manatili kayu king lugud ku.

Juan 17:2

Uling dininan meng upayang sumakup karing sablang tau ban munie bie alang angga karing sablang binie mu keya.

Juan 17:23

aku atyu ku karela at ika atyu ka kanaku ban maging ganap lang metung. Kanita abalu na ning yatu king tinubud mu ku at liguran mu la antimo ing pamaglugud mu kanaku.

Juan 17:26

Pepakilala da ka karela at ipakilala da ka pa ban ing lugud mu kanaku miyabie karela, at aku manatili ku karela.

Juan 5:20

Uling kaluguran ne ning Ibpa ing Anak at papakit na king Anak ing sablang daraptan na. At pakitanan ne pang dapat a maygit kareti ban mangapamulala kayu.

Juan 5:22

E ne atulan ning Ibpa ing ninuman. Binie na king Anak ing kabilugan a upaya ning pamanatul

1 Corinto 15:27

Uling ing kasulatan sasabian na, Binili na la ning Dios ding sablang bage lalam na ning upaya na. Wa, king amanung sablang bage malino king e ya kayabe ing Dios a mibili karing sablang bage lalam nang upayang Cristo.

Efeso 1:22

Pepailalam na ning Dios king kayupayan nang Cristo ing sablang bage, at ya ing binili nang pekabuntuk ning iglesia.

Hebreo 1:2

Oneng kareting tauling aldo, migsalita ya kekatamu king kapamilatan na ning Anak na. King kapamilatan na lelangan ne ning Dios ing meto sikluban at ing Anak ya ing tilduan nang talapagmana king sabla king kapupusan na ning panaun.

1 Pedro 3:22

a minukiat na banua, at makalukluk king banda nang wanan ning Dios, mag-ari karing sablang anghel at karing kayupayan at upayang atyu karin banua.