Juan 3:34 - Ing Mayap a Balita Biblia

³⁴ Magsalita ya itang tinubud ning Dios karing amanu na ning Dios, uling ganap neng babie keya ing Espiritu.

Juan 3:34 Iomraidhean Croise

2 Ari 2:9

Kadalakit da, nganang Elias kang Eliseo, Sabian mu na mo kanaku nung nanu ing asaup ku keka bayu ku mayakua. Pekibat nang Eliseo, Amana ku sana ing aduang dake na ning kekang upaya.

Ding Dalit 45:7

Kaluguran mu ing katuliran, at kekang kasaman ing e mayap. Iti ing sangkan nung inya ing Dios a kekang Dios, pinili na ka at dininan dakal a tula kesa karing aring aliwa.

Isaias 59:21

At gawa kung kasunduan kekayu: binie ku kekayu ing upaya ku at ding turu ku ban maging kekayu la king kapilan pa man. At pamintuan yu la manibat ngeni at ituru karing anak yu at karing lahi yu ban mamintu kanaku king kapilan pa man.

Levitico 7:35

Iti ya ing dake na ning pamangan a miyain kanaku, ing Ginu, a minie kang Aaron at karing anak nang lalaki kanitang aldo a ila mitalaga lang sumuyu kanaku bilang pari.

Ding Bilang 11:25

Kaybat tinipa ya king biga ing Ginu at migsalita ya kang Moises. Kinangwa ya ketang espiritung binie na kang Moises at binie na karing pitung pulung manimuna. Inyang tinggap de ing espiritu, megumpisa lang migsalitang anting propeta, oneng ita e naman migluat.

Mateo 12:18

Oyni ing kakung talasuyu a kakung pinili, ing kakung kaluguran a tutu kung katulan. Ibili ke keya ing kakung Espiritu, ipayabut na ing kakung kayatulan karing sablang tau.

Lucas 4:18

Ing Espiritu ning Ginu atyu kanaku, uling pinili na ku ban ipanaral ke ing Mayap a Balita karing pakakalulu. Tinubud na ku ban ihayag ing kalayaan karing bihag, at ing pangabalik da panimanman ding bulag, at ing pangayatbus ding mayayalipit,

Juan 1:16

Uli na ning ganap nang lugud tinanggap tamu ngang grasya, at grasya pa.

Juan 15:26

Oneng datang ya ing Talasaup, ing Espiritu na ning katutuan a manibat king Ibpa. Itubud ke kekayu ibat king Ibpa at ya ing munie patutu tungkul kanaku.

Juan 16:7

Ing katutuan sasabian ku kekayu: ikakayap yu ing paglako ku; uling nung e ku mako, e ya datang kekayu ing Talasaup. Nung mako ku, itubud ke kekayu.

Juan 3:17

Uling tinubud ne ning Dios ing Anak na king yatu e ban atulan ne at parusan ing yatu, nune ban miligtas ya ing yatu king kapamilatan na.

Juan 5:26

Atin yang upayang munie bie ing Ibpa at dininan neng upayang munie bie ing Anak.

Juan 7:16

Mekibat ya i Jesus, E kanaku ing tuturu ku, nune ibat king Dios a mitubud kanaku.

Juan 8:40

Oneng ngeni buri yu kung paten; akung taung maniabi kekayu king katutuan a dimdam ku king Dios. E anti kanyan ing depat nang Abraham!

Juan 8:47

Ing menibat king Dios makiramdam ya karing amanu na ning Dios. Oneng e kayu ibat king Dios inya e kayu bisang makiramdam.

Ding Dapat 1:2

angga king aldo a mitas ya banua. Bayu ya mitas banua milakuan yang panabilin king kapamilatan na ning Banal a Espiritu karing taung pinili na bilang apostol na.

Ding Dapat 10:38

Balu yu itang tungkul kang Jesus ning Nazaret; nung makananu neng linanian ning Dios king Banal a Espiritu at king upaya. Uling ing Dios atyu keya minta ya karing sablang lugal darapat mayap at pakayap karing sablang inalipnan na ning diablo.

Roma 8:2

Ing kautusan ning Espiritu a babie king bie a makayabe kang Cristo Jesus, leko na ku king kautusan ning kasalanan at kamatayan.

Efeso 3:8

Aku ing mababang dili uri karing pinili na ning Dios. Makanyan man, binie na ning Dios kanaku ing obrang iti: ing ipanaral ku karing paganu ing Mayap a Balita tungkul king alang angga nang bendisyun a malyaring atagpuan kang Cristo,

Colosas 1:19

Ing Dios mismu birian na king ing mabilug nang kadiosan manuknangan king Anak.

Colosas 2:9

Uling ing kabilugan a kadiosan atyu king katawan nang Cristo,

Kapahayagan 21:6

Ngana pang sinabi, Metupad na! Aku ing Alpha at ing Omega, ing mumuna at katataulian. Ibie kung alang bayad king ninumang kakau ing danum ning sibul ning bie.

Kapahayagan 22:1

Kanita pepakit nia naman kanaku ning anghel ing ilug a babie bie. Malino anting kristal ing danum na uling manibatan king tronu na ning Dios at ning Kordero.