Juan 3:29 - Ing Mayap a Balita Biblia

²⁹ Bandi ne ning lalaking kakasal ing babaing ikakasal na. Manenaya ya ing kakaluguran ning lalaking kakasal at makiramdam king paniatang na at maragul ing tula na kabud damdaman na ing bosis ning lalaking kakasal. Makanyan maging ganap ing tula ku ngeni.

Juan 3:29 Iomraidhean Croise

Ing Malagung Diling Kanta 3:11

Kebabainan ning siudad ning Zion, 'me ko keni at lawan ye i Aring Solomon. Susulud ne ing koronang pinutung nang ima na inyang kinasal ya, ing aldo ning tula nang alang kalupa.

Ing Malagung Diling Kanta 5:1

Linub ku king kakung mulahan, ing kakung kakaburi at kakung ketanguanan. Mangua kung mira at aliwa pang mabanglung tanaman; mangan kung pulut at pulut ding panilan; inuman ku ing alak at ing gatas. Mangan kayu, O malsinta, at minum angga king lasing kayu!

Isaias 54:5

Ing keka Miglalang mangari yang asawa keka, Ginung Mayupaya ing lagyu na! Ing banal nang Dios ning Israel ya ing magligtas keka; ya ing sasakup king mabilug a yatu!

Isaias 66:11

Ikatula yu ing pangasaplala na, anti ing bingut king salu nang ima na.

Jeremias 2:2

king ibalita ku iting mensahi na king balang memalen na ning Jerusalem: Agaganaka ku ing kekang katapatan inyang kayanakan mu, nung nu anti karagul ing lugud mu kaku inyang pekasalan da ka; tikian mu ku king libutad ning disyerto, karing lugal a e bitasang mitamnan.

Ezekiel 16:8

Inyang pasibayu kung linabas karin, apansingan ku king dinatang na ing oras a sukat na kang malsinta. Binalut ke king kanakung imalan ing lubas mung katawan at pengaku kung luguran da ka. Pekasalan da ka at meging kanaku ka. Ngana ning Ginung Dios.

Hosea 2:19

Israel, gawan da kang asawa ku, gawan ku ing matulid at ustu; pakitanan da kang lugud a e kukupas, pakitanan da kang lunus a alang kayangganan, at maging kaku ka kapilan man.

Mateo 22:2

Ing Kayarian ning Banua kalupa ne niti: migtau yang maragul ing metung a ari para king kasal ning anak nang lalaki.

Mateo 25:1

King panaun a ita, ing Kayarian ning Banua apakilupa me king anti kaniti: ating apulung dalagang linual ban sagana king lalaking kakasal. Atin yang daralang sulu ing balang metung karela.

Mateo 9:15

Nganang mekibat Jesus, Malyari la waring lungkut ding kumbiradu king kasal kabang kayabe de pa ing lalaking kinasal? Ali la! Potang e ra ne kayabe ing lalaking kinasal, kanita la pa mu malyaring mag-ayunu.

Lucas 15:6

at iyuli ne. Kaybat kumbiran na la ngan ding kakaluguran na at kasiping bale. Sabian na karela, Matula kung tutu uling ikit ke ing tupa kung mebating; munta kayu keni; magsaya tamu!

Juan 15:11

Sinabi ku la kekayu deting bage ban manatili kekayu ing tula ku at miganap ing tula yu.

Juan 16:24

Angga man ngeni ala kayu pang inawad king lagyu ku; maniawad kayu at mirinan kayu ban miganap ing tula yu.

Juan 17:13

Oneng ngeni papunta na ku keka at sasabian ku la deting bage kabang atyu ku keti king yatu ban mikatmuan lang lubus king kanakung tula.

Juan 3:30

Ya ing sukat mirangal at aku ing sukat mibaba.

2 Corinto 11:2

Daramdaman ku king kanakung sarili ing pangalalu a kalupa na ning pangalalu na ning Dios kekayu, uling mengari kayung dalagang birhen a pekitanguanan ku king metung a lalaki, i Cristo.

Filipos 2:2

aduan ku kekayu ing paligayan yu kung lubus king kapamilatan na ning pamikakametung yu pamalak, pamikakametung yu king lugud, king metung mung pilubluban, at metung mung panamdam.

1 Juan 1:4

Susulat mi iti ban maging ganap ing tula mi.

2 Juan 1:12

Dakal ku pa buring sabian kekayu, oneng e king kapamilatan na niting sulat. Pagnasan da kayung dalawan at akapagsalitang miyarapan ban lalung maging ganap ing tula tamu.

Kapahayagan 21:9

Linapit ya kanaku ing metung karing pitung anghel a ating pitung silyo mitmu karing pitung tauling salut. Ngana, Mekeni at ipakit ke keka ing Babaing maging asawa na ning Kordero.