Juan 3:27 - Ing Mayap a Balita Biblia

²⁷ Mekibat ya i Juan, Alang taung makatanggap nanuman subali ketang babie ning Dios keya.

Juan 3:27 Iomraidhean Croise

Jeremias 1:5

Balu da na ka bayu da ka dininan bie at pinili da na ka bayu ka pa mibait ban maging propeta karing bansa.

Jeremias 17:16

Oneng, Ginu, kapilan man e ku inawad keka ing parala kang kasakitan karela; e ku pignasan ing mag-ari ing kaligaligan karela. Balu mu iti, Ginu, balu mu itang sinabi ku.

Amos 7:15

Oneng kinua na ku ning Ginu king obra ku antimong pastul at inutusan na kung lumakad at magsalita king lagyu na para karing memalen na ning Israel.

Ding Bilang 17:5

Itang tukud na ning manimuna a pilinan ku ya ing tumubu. King anti kaniting paralan tuknang ing bulung-bulungan at reklamu laban keka.

Mateo 21:25

Nukarin na kinuang Juan ing upaya nang maminyag? Ibat banua o ibat karing tau? Mipagsalita la king metung at metung at ngara, Nung sabian tamung ibat banua, sabian na kekatamu, Baket e kayu meniwala keya?

Mateo 25:15

Likuananan neng salaping gintu ing balang metung karela agpang king gelingan na: ing metung likuananan neng limang libung salaping gintu, ing kadua aduang libung salaping gintu, at ing katlu, libu. Kaybat na lang aintriga deti, meko ne.

Marcos 13:34

Mangari ya king metung a lalaking miglakbe king marayung lugal: ipanibala ne ing tuknangan na karing ipus na, ing balang metung agpang king katungkulan na, at iyutus ne ing guardia king pasbul ban manatiling makasadia king pamagbalik na.

Juan 10:41

At dakal lang tau ding minta kang Jesus. Ngara, Ala yang depat a milagru i Juan, oneng tutu ing sablang bage sinabi na tungkul king taung iti.

Juan 6:65

At ngana pa, Iti yang sangkan nung inya sinabi ku kekayu king alang milapit kanaku subali mu nung burian na ning Ibpa.

Roma 1:5

King kapamilatan na, binie na kanaku ning Dios ing pribilehiung maging apostol ban king lagyu nang Cristo idala la ding sablang bansa king pamaniwala at pamamintu keya.

Roma 12:6

Atin tamung miyayaliwang kagiwan agpang king binie na ning Dios king balang metung. Nung ing kagiwan a tinggap mu ya ing maging talapagsalita na ning Dios, ipanaral mu ing amanu na ning Dios agpang king kasalpantayanan a atyu keka,

1 Corinto 1:1

Ibat ya iting sulat kang Pablo, ing meyaus apostol nang Cristo Jesus uli na ning kaburian ning Dios, at kang Sostenes a kekatamung kapatad.

1 Corinto 12:11

Oneng metung ya mu ing Espiritu a darapat kareti; babie yang miyayaliwang kagiwan karing tau, ketang kaburian na.

1 Corinto 15:10

Oneng king kapamilatan na ning grasya ning Dios apostol ku ngeni, at ing grasya a binie na kanaku e mayalang kabaldugan. Uling megobra kung maygit kesa karing aliwang apostol; ita e ku sariling dapat nune ing grasya na ning Dios ya ing megobrang kayabe ku.

1 Corinto 3:5

Ninu wari i Apolos? At ninu i Pablo? Ikami ngan talasuyu na kami ning Dios at gagamitan na ban tairan da kayu king pamaniwala. At depat na ning balang metung kekami ing obrang binie na keya ning Ginu.

1 Corinto 4:7

Ninu ing minie kapaintulutan ban magmaragul ka? Nanung atyu keka a e mu tinggap king Dios? Baket magmaragul ka; balamu mo ing atyu keka e ibat king Dios?

Galacia 1:1

Ibat ya iting sulat kang Pablo a e na inaus maging apostol ning ninumang tau o king kapamilatan na ning ninuman, nune inaus ne at tilduan Jesu-Cristo at ning Dios Ibpa a pepasubling mebie kang Jesus.

Efeso 1:1

Ibat ya iting sulat kang Pablo, ing apostol nang Cristo Jesus, agpang king kaburian na ning Dios. Susulat ke iti para karing kapatad a atyu Efeso, ding tapat a mabibie makayabe kang Cristo Jesus.

1 Timoteo 2:7

Makanyan kung mituburan maging apostol at talaturu da ring paganu ban ipanaral ku karela ing kasalpantayanan at ing katutuan. Tutu ing kanakung sasabian; e ku maglaram.

Santiago 1:17

Ing sablang mayap at ing sablang ganap a grasya manibat banua; daratang ibat king Ibpa, ing Linalang karing sala king banua, ing e mibabayu ni gugulut pasaring kadalumduman.