Juan 3:25 - Ing Mayap a Balita Biblia

²⁵ Mekiargu la ding mapilan karing alagad nang Juan king metung a Judio tungkul king seremonia na ning pamanos.

Juan 3:25 Iomraidhean Croise

Mateo 3:11

Bibinyagan da kayu king danum ban mipakilala king sisisian yu la at painggulutan ding kasalanan yu; oneng ing daratang katuki ku lalu yang mayupaya kesa kanaku. E ku man karapatdapat mamitbit karing sandalyas na. Binyagan na kayu king Banal a Espiritu at king api.

Marcos 7:8

At sinabi nang Jesus, Lelele yu ing kautusan na ning Dios at tutuparan yu ing kautusan da ring tau.

Juan 2:6

Karin ating anam a tapayan. Ing balang metung kareti mikakalaman yang aduang pulu o atlung pulung galun a danum. Makasadia la deting tapayan para king seremonia ning pamaglinis da ring Judio.

Hebreo 6:2

ing turu tungkul king binyag at ing pamitumpak karing gamat; ing pamanyubli rang mie ding mete, at ing kayatulan a alang kapupusan.

Hebreo 9:10

Deti makatungkul la mu king pamangan, inuman, at miyayaliwang seremonya king pamaglinis. Puru lang tuntunan at mipatupad la reti anggang e na babayu ning Dios ing sabla.

Hebreo 9:23

Deting bage magagamit king tolda a mistula da mung anino ding atyu karin banua, kailangan lang gawan malinis king kapamilatan da ring anti kareting ain. Oneng ding mismung bage a atyu karin banua mangailangan lang lalung mayap a ain.

1 Pedro 3:21

Ing binyag a lalarawan na ning danum ya ngeni ing makaligtas kekayu. Iti e ya mistulang pamanos king dinat na ning katawan, nune metung yang pangakung sasabian na ning tau king Dios ibat king malinis a konsiensia. Makakabus kekayu ing binyag king kapamilatan na ning pangasubli nang mebie Jesu-Cristo