Juan 3:23 - Ing Mayap a Balita Biblia

²³ Maminyag ya naman i Juan king Enon malapit king Salim uling dakal a danum karin. Pintalan de karin ding tau i Juan at bininyag na la. (

Juan 3:23 Iomraidhean Croise

Genesis 33:18

King pamagbalik na manibat Padan-aram masalese yang miras i Jacob king siudad ning Sikem a atyu king sakup ning Canaan. Telakad na la ding tolda na e binang malaut king siudad.

Jeremias 51:13

Atin yang dakal a ilug itang bansang ita at dakal a bandi, oneng dinatang na ing oras na at miyangganan na ing sukad ning bie na.

Ezekiel 19:10

Mengari ya ing ima mu king tanaman a ubas a mitanam lele ning mamagus a batis. Uling ating dakal a danum ing ubas melabung ya bulung, at memunga yang punggul-punggul.

Ezekiel 43:2

Karin ke ikit daratang ibat king aslagan ing makasilo nang aslag ning Dios ning Israel. Mengari ya ing siwala na king dabungbung ning alun ning dagat. Maslag yang maslag ing yatu uli na ning makasilo nang aslag.

Lucas 3:7

Dakal lang taung linapit ban pabinyag la kang Juan. Ngana karela, Ikayung lahing ubingan! Ninung sinabi kekayung aligtasan yu ing mua na ning Dios a malapit nang datang?

Juan 3:22

Kaybat na nita, i Jesus at ding alagad na minta la king sakup ning Judea. Karin ya menatiling kayabe ra at meminyag ya.

Juan 3:24

E ya pa makasukul kanita i Juan.)

Kapahayagan 1:15

Kikinang la ding bitis na anting makintab a tangsung medalise king pugun, at bibiung anting danum a darabulbul ing siwala na.

Kapahayagan 14:2

At dimdam ke ing metung a siwalang menibat banua a kalupa na ning biung ning danum a darabulbul at mananabu king libis na ning bangin at ning masikan a duldul. Kalupa ne ning musika da ring manigtigan king alpa ing siwalang dimdam ku.

Kapahayagan 19:6

Kaybat, dimdam ku ing mikakametung dang kulisak ding dakal a tau; anti ya waring inge na ning danum a darabulbul a agus at kalugkug ning mangatning duldul. Ngara, Purian ya ing Ginu! Uling mag-ari ya ing Dios a Mayupayang tutu!

1 Samuel 9:4

Minta ya king bulubundukan nang lugal ning Efraim. Lipatan ne pa ing sakup ning Salisa, oneng e ra la ikit ding asno. Dinalan la naman karin Saalim, oneng e ra la pa mu rin ikit. Lipatan de ing mabilug nang sakup ning Benjamin, oneng e ra la munaman ikit ding asno.