Juan 3:21 - Ing Mayap a Balita Biblia

²¹ Oneng lalapit ya king sala ing darapat king katutuan ban masalang mayakit king ding dapat na daraptan na la agpang king kaburian ning Dios.

Juan 3:21 Iomraidhean Croise

Ding Dalit 119:105

Anti yang sulu ing amanu mu a makiabe king paglakad ku, at sala yang saslag king kakung daralanan.

Ding Dalit 119:80

Sana ganap ku lang atuparan ding kekang kautusan ba kung e mipakarine, at akua ku ing tagumpe.

Isaias 26:12

Ginu, dinan mu keng kanawan; ing sablang kekeng akamtan bunga na ngan ning kekang daraptan.

Isaias 8:20

Ipakibat yu naman karela, Makiramdam kayu king nanumang tuturu na kekayu ning Ginu! E kayu makiramdam karing makipagsalita karing espiritu da ring mete. Ala kayung akua king nanumang sabian da kekayu.

Hosea 14:8

E na na la kailangan ning Israel ding idolo; pakibatan ku la ding panalangin da at ingatan ku la. Mangari kung tanaman a malabung karela a salilungan da. King kapamilatan ku mamunga la.

Juan 1:47

Inyang ikit nang Jesus king lalapit ya keya i Nathanael, nganang migsalita tungkul kang Nathanael, Oyan ing tune Israelita! Keya ala kang akit a pamagkunwari!

Juan 3:20

Uling kasaman da ring darapat e mayap ing sala at e la lalapit king sala ban e mayakit ing karelang dapat.

Juan 5:39

Sasaliksikan yu la ding Kasulatan uling isipan yu king kareti yu atuklasan ing bie alang angga. Oneng deti ila kabud ding patutu tungkul kanaku;

Juan 7:17

Ninuman ing bisang tupad king kaburian ning Dios, abalu na nung ing kanakung tuturu ibat king Dios o nung aku maniabi ku king sarili kung kayupayan.

1 Corinto 15:10

Oneng king kapamilatan na ning grasya ning Dios apostol ku ngeni, at ing grasya a binie na kanaku e mayalang kabaldugan. Uling megobra kung maygit kesa karing aliwang apostol; ita e ku sariling dapat nune ing grasya na ning Dios ya ing megobrang kayabe ku.

2 Corinto 1:12

Iti ya ing pagmaragul mi: patutuan na ning pilubluban mi king ing pamakiabe mi karing sabla, lalung-lalu na kekayu, tapat at alang pamagkunwari. Iti uli na ning saup ning Dios at e uli na ning kabiasnan-tau.

Galacia 6:8

Ing tatanam karing bage tungkul king laman, kamatayan ing pupulan na. Ing tatanam karing bage tungkul king Espiritu, mupul yang bie alang angga.

Efeso 5:9

Uling ing mabibie king sala mamungang kayapan, katuliran, at katutuan.

Filipos 1:11

mitmu kayu king tune kabanalan a bukud mung kang Jesu-Cristo manibatan para king ikaligaya na at ikapuri ning Dios.

Filipos 2:13

uling e tutuknang darapat ing Dios kekayu ba yung burian at atuparan ing malugud nang parasan.

Colosas 1:29

Ban matupad iti, magsakripisyu ku at magkapilit kayabe na ning sikanan a babie nang Cristo, ing sikanan a magobra king mabilug kung pangatau.

Hebreo 13:21

Mananu na sanang ing Dios a panibatan na ning kapayapan ibie na kekayu ing sablang bage mayap a kekayung kailangan ba yung atuparan ing kaburian na, at king kapamilatan nang Jesu-Cristo, daptan na sa kekatamu ing sablang makaligaya keya. Purian ya i Jesu-Cristo king kapilan pa man! Amen.

1 Pedro 1:22

Ngening ikua yung melinis king kapamilatan na ning pamanupad yu king katutuan, at ikua yung mika tapat a lugud karing kapatad yu king kasalpantayanan, manatili kayu sanang mikakalugud kayabe na ning mabilug yung pusu.

1 Juan 1:6

Nung sasabian tamung atin tamung pamakiabe keya, oneng mabibie ta naman king karalumduman, maglaram tamu at e tamu mabibie king katutuan.

3 Juan 1:11

Pakamalan kung kakaluguran, e mu pakiapusan ing e mayap a alimbawa; ing mayap ya ing pakiapusan mu. King Dios ya ing ninumang darapat mayap; ing ninumang darapat e mayap e ne pa ikit ing Dios.

Kapahayagan 3:15

Balu ku ing depat mu. E ka marimla ni mapali. Sana marimla ka o kaya mapali!