Juan 3:20 - Ing Mayap a Balita Biblia

²⁰ Uling kasaman da ring darapat e mayap ing sala at e la lalapit king sala ban e mayakit ing karelang dapat.

Juan 3:20 Iomraidhean Croise

2 Samuel 13:9

Inyang lutu na la binili na la king pinggan at dela na la kang Amnon ba neng mangan. Oneng e ya bisang mangan. Sinabi na, Palakuan mu la ding sablang atyu keti. Inya meko la ding sabla.

1 Ari 22:8

Nganang mekibat Ahab, Atin, i Micaia a anak nang Imla. Oneng kasaman ke, uling ala ya pang inula a mekakayap mo sa kanaku; puru e mayap ing pepasari na. E mu sukat sabian yan, Makamal a Ari, nganang sinabing Jeosafat kang Ahab.

1 Ari 3:20

Mibangun ya king kapitangan na ning bengi, at kinua ne ing anak kung atyu siping ku kabang matudtud ku at dela ne king pagkeran na. Kaybat binili ne king siping ku ing anak nang mete.

Ding Dalit 50:17

Uling kekong tatanggian ing itulid ke ing kekong dalan, at e tatanggapan kakung kautusan.

Ding Kasebian 1:29

Uling pikasaman yu ing kabiasnan; e kayu bitasang tatakut king Ginu,

Ding Kasebian 15:12

E na buri ning taung palalu ing sasabianan; e ya maniawad payu karing taung ating kabiasnan.

Ding Kasebian 16:30

Mingat ka karing taung makatiman at kindat-kindat; magkang keka atin na lang aisip a e mayap daptan.

Ding Kasebian 2:13

ding taung e bisa king bie matulid ban mibiebie king pamikasala,

Ding Kasebian 4:18

Oneng mengari ya ing dalan na ning taung matulid king aldo a saslag; lalu yang maslag neng aldo tapat.

Ding Kasebian 5:12

Sabian yu kanita, E ku kasi mekiramdam at kakung tinggian ing mayap a turu.

Jeremias 9:6

Salasalisi ing dapat dang katampalasanan, antimu rin ing dapat dang pamaglinlang. Sasabian na ning Ginu: Ding pinili ku ila ding e tatanggap kaku.

Lucas 11:45

Ngana ning metung karing talaturu ning Kautusan, Maestro, pati ikami insultuan mu king sasabian mung yan!

Juan 3:21

Oneng lalapit ya king sala ing darapat king katutuan ban masalang mayakit king ding dapat na daraptan na la agpang king kaburian ning Dios.

Juan 7:7

E na kayu pikasaman ning yatu, oneng kasaman na ku uling patutuan ku king ding dapat na marawak la.