Juan 3:2 - Ing Mayap a Balita Biblia

² Misan a bengi, iting lalaki minta ya kang Jesus. Ngana kang Jesus, Maestro, balu mi king metung kang talaturu a menibat king Dios, uling alang makagawa karing milagrung daraptan mu subali mu nung mamantabe ya keya ing Dios.

Juan 3:2 Iomraidhean Croise

1 Ari 17:24

Ngana ning babai kang Elias, Ngeni ku apatunayan king ika tune na kang talasuyu ning Dios, at ing amanung sasabian yung ibat king Ginu pawang katutuan.

Isaias 51:7

Makiramdam kayu kaku, ikong maki balu king matulid, ikong king pusu yu makatanam lang kautusan ku. E kayu tatakut potang ding tau pamagsisti da kayu at lalapastanganan;

Jeremias 38:16

Inya lihim yang mengaku kanaku i Aring Zedekias. Ngana, Susumpa ku king arapan na ning Dios a mabie, ing Dios a minie bie kekatamu, king e ra ka ipapate o ibie karing gamat da ring bisang makamate keka.

Mateo 22:16

Kaybat na nita, tiburan da lang makikit kang Jesus ding karelang alagad at ding mapilan a tauan nang Herodes. Ngara kang Jesus, Maestro, balu mi ing tapat kayu at tuturu yu ing sablang katutuan tungkul king kaburian na ning Dios para king tau. E kayu biasang mangabiran kenu man, uling paraparehu mu ing lawe yu karing tau.

Mateo 23:7

tutu rang buri ing pupugayan da la karing palengki at ausan da lang Maestro.

Mateo 23:8

Oneng ikayu e kayu payaus Maestro, uling mikakapatad kayu ngan at metung kayu mu Maestro.

Marcos 12:14

Lepitan de at ngara, Maestro, balu mi king tapat ka at e ka mangabiran kenu man uling pante-pante ing lawe mu karing sablang tau. Tuturu mu nung nanu ing kaburian na ning Dios. Labag king Kautusan tamu ing mamayad buis king Emperador ning Roma o ali? Mamayad kame o ali kami?

Juan 1:38

Melikid ya i Jesus at kitnan na la inyang ikit nang tutukian de, Nanu ing panintunan yu? Mekibat la, Rabbi (ing buri nang sabian niting amanu, Maestro), nu karin ka manuknangan?

Juan 10:38

Nung daraptan ku la, agyang e kayu maniwala kanaku, karing mu mang dapat ku sukat kayung maniwala ban abalu yu at aintindian king ing Ibpa atyu kanaku at aku atyu ku keya.

Juan 12:37

Agyang dakal ing milagrung depat na king akakit da, makanyan man e la meniwala keya.

Juan 14:10

E ka wari maniwala king atyu ku king Ibpa at ing Ibpa atyu kanaku? E la manibat kanaku ding amanung sasabian ku kekayu. Gagawan na ning Ibpang atyu kanaku ing obra na.

Juan 15:24

Nung ding dapat a e na agawa ning ninuman e ku la depat libutad da, ala la sanang kasalanan. Oneng ikit da ing depat ku at pikasaman da ku ampon i Ibpa ku.

Juan 2:11

Iti milyari karin Cana, Galilea; iti ya ing mumunang milagru a depat nang Jesus. Karin na pepakit ing kayupayan na at iti meging dalan ne ning pamaniwala ra keya ding alagad na.

Juan 20:16

Maria! nganang Jesus. Inarapan ne at sinabi na, Rabboni! (Ngana wari king Hebreo Maestro.)

Juan 3:26

Inya pintalan de i Juan at sinabi ra, Maestro, itang lalaking akayabe yu kangatba ning Jordan a kekang sasabian karing tau, maminyag ya naman at pupuntalan de ring sablang tau!

Juan 4:31

Samantala, ding alagad na namang Jesus pakisabian deng mayap. Ngara, Maestro, mangan na kayu.

Juan 5:36

Ating pamipatutu tungkul kanaku a maygit king pamipatutu nang Juan: ila pin ding dapat a parapat na ning Ibpa kanaku a kanaku namang daraptan. Ila deti ring patutu kanaku king ing Ibpa ya ing mitubud kanaku.

Juan 6:2

Tikian de ring dakal a tau uling ikit da la ring milagrung depat na king pamanulu karing masakit.

Juan 7:31

Makanyan man dakal la karing tau ding meniwala kang Jesus at ngarang sinabi, Potang datang ne ing Cristo, gawa ya kayang dakal pang milagru kesa karing gewa na ning taung iti?

Juan 9:16

Ngara ding mapilan a Pariseo, E ya king Dios ing taung ita uling e ya tutupad king Aldo ning Sabbath. Oneng sinabi da ring mapilan, Makananu yang makarapat ing taung makasalanan karing anti kareting milagru? Milaban-laban ing sasabian da.

Ding Dapat 10:38

Balu yu itang tungkul kang Jesus ning Nazaret; nung makananu neng linanian ning Dios king Banal a Espiritu at king upaya. Uling ing Dios atyu keya minta ya karing sablang lugal darapat mayap at pakayap karing sablang inalipnan na ning diablo.

Ding Dapat 2:22

Pakiramdaman yu iting sasabian ku, memalen ning Israel! I Jesus ning Nazaret ya ing taung tinubud na ning Dios. At ing pangatuburan na king Dios mipakilalang masala kekayu king kapamilatan da ring milagru, ding makapagmulalang bage, at ding tanda a depat na ning Dios king kapamilatan na. Ikayu mismu balu yu iti uling keti mismu libutad yu karin mepalyari.

Filipos 1:14

At ing pangasukul ku lalu na lang pepatibe lub ding keraklan karing kapatad king pamanalig da king Ginu. E mu iti, nune lakuas lang mesikan a lub king pamanaral da king amanu na ning Dios.

Ukum 6:27

Inya kinangwa yang apulu karing ipus na i Gideon at gewa re ing pagawa na ning Ginu. Bengi inyang gewa re, uling maragul ing takut na karing pamilya na at karing kabalen na.