Juan 3:18 - Ing Mayap a Balita Biblia

¹⁸ E ya miyatulan kaparusan ing ninumang maniwala keya; oneng miyatulan ne ing e maniwala keya, uling e ya meniwala king bugtung nang Anak ning Dios.

Juan 3:18 Iomraidhean Croise

Marcos 16:16

Miligtas ya ing ninumang maniwala at pabinyag; oneng miparusan ya ing ninumang e maniwala.

Juan 1:12

Makanyan man karetang tinanggap at meniwala keya binie na ing karapatan a maging anak na la ning Dios.

Juan 1:18

Ala pang menakit king Dios; oneng mipakilala ya ing Dios karing tau king kapamilatan na ning bugtung nang Anak; ing Anak a kayabe ning Ibpa king panga-Dios at kaluguran nang tutu.

Juan 20:31

Misulat la ding atyu keting libru ban maniwala kayu king i Jesus ya ing Cristo, ing Anak ning Dios at king pamaniwala yu mika bie kayu king kapamilatan na.

Juan 3:16

Uli na ning maragul nang lugud ning Dios king yatu binie ne ing bugtung nang Anak ban ing ninumang maniwala keya e ya mate nune mirinan yang bie alang angga.

Juan 3:36

Atin yang bie alang angga ing maniwala king Anak; oneng e ya mirinan bie ing e mamintu king Anak, nune manatili keya ing milalablab nang mua ning Dios.

Juan 5:24

Ing katutuan sasabian ku kekayu: ing makiramdam king amanu ku at maniwala king mitubud kanaku atin yang bie alang angga. E ya mayatul, nune ibat king kamatayan linipat ne king bie.

Juan 6:40

Uling iti ya ing kaburian nang Ibpa ku: ing balang metung a manakit king Anak at maniwala keya mika bie yang alang angga at pasublian keng mie king tauling aldo.

Juan 6:47

Ing katutuan sasabian ku kekayu: atin yang bie alang angga ing maniwala.

Roma 5:1

Inya ngening mipatawaran na ing kasalanan tamu king kapamilatan na ning kasalpantayanan, mika kapayapan tamu king Dios king kapamilatan na ning Ginu tamung Jesu-Cristo.

Roma 8:1

Inya e na la miyatulan kaparusan detang mabibie kang Cristo Jesus.

Roma 8:34

ninu pa ing makayatul kekatamu? I Cristo Jesus kaya? Aliwa! E mu ing mete ya para kekatamu; sinubli ya namang mie at atyu king banda nang wanan ning Dios at makisabi yang mayap para kekatamu!

Hebreo 12:25

Inya mingat kayu at e kayu tatangging makiramdam king migsalita. Nung detang e mebisang makiramdam king migsalita karela e la miligtas king parusa, e kasi lalu ta nang e miligtas, nung e tamu makiramdam king magsalitang ibat karin banua!

Hebreo 2:3

Makanyan tamu namang e malyaring lisian ing parusa, nung e tamu balung ingatan iting kaligtasan a e mu nanu degulan. Ing Ginu mismu ya ing minunang pepabalu kaniting kaligtasan at patunayan da kekami ding sablang mekaramdam king iti katutuan.

Hebreo 3:19

Inya balu tamung e la milub king gabun a pengaku na karela uling e la meniwala king Dios.

1 Juan 3:23

Iti ya ing kautusan na: maniwala tamu king lagyu na ning Anak nang i Jesu-Cristo at mikakalugud tamu antimo ing inutus nang Cristo.

1 Juan 4:9

Pepakit na ning Dios ing lugud na kekatamu inyang tinubud ne ing bugtung nang Anak ban mika bie tamu king kapamilatan na.

1 Juan 5:10

Ing ninumang maniwala king Anak ning Dios maniwala ya king patutung iti. Oneng ing e bisang maniwala king Dios, gagawan neng malaram ing Dios, uling e ya maniwala king patutu na tungkul king Anak na.

1 Juan 5:12

Ing taung panuknanganan na ning Anak ning Dios atin yang bie alang angga; ing e na panuknanganan ning Anak ning Dios ala yang bie alang angga.