Juan 3:13 - Ing Mayap a Balita Biblia

¹³ Ala pang miyukiat king banua subali mu ing Anak ning Tau a tinipang ibat banua.

Juan 3:13 Iomraidhean Croise

Ding Kasebian 30:4

Ninu na mo ing minukiat banua at kaybat kinuldas ya? Ninu na mo ing mekasakmal king angin o king lampin binalut na ing danum? Ninu na ing mekabili karing angganan na ning yatu? Ninu ya at nanu ya lagyu ing anak na? Siguradung balu me.

Mateo 28:20

at ituru yu lang tupad king sablang inutus ku kekayu. Tandanan yu: kayabe yu ku kapilan man angga king kawakasan na ning panaun!

Mateo 8:20

Nganang mekibat Jesus, Atin lang lunggang pisuluran ding asung-gubat at atin lang sale ding ayup, oneng ing Anak ning Tau ala ya mang apipagpaynawan.

Juan 1:18

Ala pang menakit king Dios; oneng mipakilala ya ing Dios karing tau king kapamilatan na ning bugtung nang Anak; ing Anak a kayabe ning Ibpa king panga-Dios at kaluguran nang tutu.

Juan 13:3

Balu nang Jesus king ing sablang upaya binie na na ning Ibpa keya at king ibat ya king Dios at papunta ya king Dios.

Juan 17:5

At ngeni, Ibpa, paligayan mu ku king keka mu ring kaligayan a sadiang atyu kanaku king pangayabe ku keka bayu ya melalang ing yatu.

Juan 3:12

Nung e yu paniwalan ing sasabian ku tungkul karing bage keti king yatu, makananu kayung maniwala nung magsalita ku tungkul karing bage a atyu banua?

Juan 3:31

Itang daratang ibat babo maygit ya karing sabla. Itang manibat king yatu, king yatu ya at magsalita ya tungkul karing bage keti king yatu. Itang daratang ibat banua maygit ya karing sabla.

Juan 6:33

Uling ing tinape a babie na ning Dios ya itang titipang ibat banua at babie yang bie king yatu.

Juan 6:38

uling tinipa kung ibat banua e ban daptan ing sarili kung kaburian, nune ing kaburian na nitang mitubud kanaku.

Juan 6:42

Sinabi ra, Aliwa iti i Jesus a anak nang Jose? Kakilala ta ya i tata na at ima na! Makananu nang asabing tinipa yang ibat banua?

Juan 6:46

Iti e mangabaldugan king atin nang menakit king Ibpa; ita mung ibat king Dios ya ing bukud menakit na king Ibpa.

Juan 6:51

Aku ing mabie tinape a tinipang ibat banua. Ing ninumang mangan kaniti mie ya kapilan man. At ing laman ku ya ing tinape a ibie ku ban mie ya ing yatu.

Juan 6:62

O nung akit ye pa ing Anak ning Tau a magbalik king kabilianan na king minuna?

Juan 8:42

Nganang Jesus karela, Nung ing Dios ya ing kekayung Tata, sukat ing luguran yu ku uling dinatang kung menibat king Dios. E ku dinatang king sarili kung kaburian, nune ya ing mitubud kanaku.

Ding Dapat 2:34

Uling aliwa i David ing minukiat karin banua; oneng ya itang sinabi, Ing Ginu sinabi na king kakung Ginu: Lukluk ka keni king banda kung wanan,

Ding Dapat 20:28

Ingatan yu sa ing kekayung sarili at ing mabilug a kawan a binili na ning Banal a Espiritu king kekayung kapanibalan. Pastulan ye sa ing iglesia na ning Dios a pemuhunan na king mismung daya na ning Anak na.

Roma 10:6

Anti naman keni ing masasabi tungkul king pangapatawaran ding kasalanan arapan na ning Dios king kapamilatan na ning kasalpantayanan: E mu kukutang king kekang sarili, Ninu ing mukiat karin banua? (ngana wari, para ibaba me i Cristo.)

1 Corinto 15:47

Melalang ya ing minunang Adan king alikabuk na ning yatu; ing kaduang Adan ibat ne man king banua.

Efeso 1:23

At ing iglesia ya ing katawan nang Cristo. Ya ing kasasakdalan na nitang misasakdal king sablang bage nukarin pa man.

Deuteronomio 30:12

Alayu king matas a banua. E yu asabing Ninu ing mukiat karin ban kuanan na la at ban damdaman ta la at tuparan?