Juan 3:10 - Ing Mayap a Balita Biblia

¹⁰ Mekibat ya i Jesus, Metung kang talaturu ning Israel at e mu la aintindian deting bage?

Juan 3:10 Iomraidhean Croise

1 Cronica 29:19

At ibie me sa king anak kung i Solomon ing pusung tapat a bisang tupad karing kekang utus ampon tuntunan at italakad ne ing bale mu a kanaku nang sidia.

Ding Dalit 51:10

Gawan meng malinis ing pusu ku, O Dios ko, ibayu me ing pilubluban ku, at katapatan ibie mu kaku.

Ding Dalit 51:6

Katapatan at katutuan ing kekang panenayan; katmuan me sa king kekang kabiasnan ining kakung kaisipan.

Ding Dalit 73:1

Tune yang maganaka ing Dios king taung matulid, karing sablang ating pusung malinis.

Isaias 56:10

Ngana, Bulag la ding sablang manimuna a sukat munie babala karing taung pinili ku! Ala lang kabalu-balu. Mengari lang asung bante a e biasang kaung; kera-kera la mu at mamaninap. Tutu lang matako tudtud!

Isaias 9:16

Ding manimuna karing taung deti linili da la at belatungan.

Jeremias 31:33

Anti ya kaniti ing bayung kasunduan a gawan ku karing memalen ning Israel: Ibili ke ing kautusan ku king mabilug dang pangatau at isulat ke iti karing karelang pusu. Aku ing maging karelang Dios at ila naman ding maging memalen ku.

Ezekiel 11:19

Dinan ku lang bayung pusu at bayung pamisip. Ilako ke karela ing masias dang pusung batu, at dinan ku lang pusung mapamintu.

Mateo 11:25

King oras a ita nganang migsalitang Jesus, Ibpa, Ginu na ning banua at yatu! Pasalamatan da ka uling pepakilala mu karing taung musmus ing e mu pepakilala karing mangabiasa at maisip.

Mateo 15:14

Paburen yu la ding Pariseo! Bulag lang talataid; nung tairan ne ning bulag ing kalupa nang bulag, parehu lang manabu king kulkul.

Mateo 22:29

Nganang mekibat Jesus karela, Maragul ing kekayung pamagkamali uling e yu la aintindian ding Kasulatan ni e yu aintindian ing upaya na ning Dios.

Lucas 2:46

King katlung aldo, ikit de kilub ning Templo; makalukluk yang kayabe da ring Judio a talaturu, makiramdam ya at mangutang karela.

Lucas 5:17

Misan a aldo kabang tuturu ya i Jesus, makalukluk la ding mapilan a Pariseo at talaturu ning Kautusan a menibatan karing miyayaliwang balen ning Galilea, Judea, ampon ibat Jerusalem. Ing upaya nang pakayap ning Ginu atyu kang Jesus.

Juan 3:9

Nganang kinutang Nicodemo, Makananu lang mapalyari deting bage?

Ding Dapat 5:34

Oneng tinalakad ya ing metung karing kayabe ra, ing metung a Pariseong milagyuan Gamaliel at metung a talaturu na ning Kautusan a tutu dang lalawan matas ding sablang tau. Inawad nang ilual da la pa mu ding apostol,

Roma 2:28

Ninu ing tune Judio, ninu ing tune mesirkunsisyun? Aliwa mu kabud ing mibait karing pengaring Judio at mesirkunsisyun king katawan.

Deuteronomio 10:16

Inya maging mapamintu kayu at e masias a buntuk king Ginu.

Deuteronomio 30:6

Ibie ne kekayu at karing maging lahi yu ing pusung mapamintu ban luguran ye king mabilug yung pusu at kaladua at kumaba kayu bie.

Filipos 3:3

Ganakan yu king aliwa ila, nune itamu ding tune mesirkunsisyun uling sasamban ta ya ing Dios agpang king Espiritu na, at miyayatdanan tamung tula king bie tamung makayabe kang Cristo Jesus. E tamu kailangan ing magtiwala king seremonia na ning pamaniugat king katawan.

Colosas 2:11

Mesirkunsisyun kayu king pangayabe yu kang Cristo, e king sirkunsisyun a karaniwan dang daraptan ding tau, nune king pamagsirkunsisyun nang Cristo, ing sirkunsisyun a lubus midadayu kekayu king upaya na ning palpikasalang laman.