Juan 21:22 - Ing Mayap a Balita Biblia

²² Pekibat nang Jesus, Nung burian kung mie ya angga king pamagbalik ku, nanu keka ita? Ika tuki ka kanaku!

Juan 21:22 Iomraidhean Croise

Mateo 16:24

Kaybat na nita, sinabi nang Jesus karing alagad na, Nung ing ninuman bisa yang tuki kanaku, sukat nang kalinguan ing sarili na, pusanan ne ing krus na at tuki ya kanaku.

Mateo 24:27

Uling ing Anak ning Tau datang ya anting kildap a gugulis king banua ibat king aslagan angga king albugan.

Mateo 24:3

Kanitang misan, kabang makalukluk ya i Jesus karin king Bunduk ding Olibo, lepitan de ring alagad na at kitnan deng sarilinan. Ngara, Kapilan ngan mapalyari ing kekang sinabi? Nanu ing maging palatandanan ba ming abalu ing paniatang mung pasibayu at ing kawakasan na ning yatu?

Mateo 24:44

Inya, makanyan kayu namang sukat makasadiang parati, uling datang ya ing Anak ning Tau king oras a e ye panenayan datang!

Mateo 25:31

Potang datang ne ing Anak ning Tau antimong Aring makamal at ding sablang anghel a kayabe na, lukluk ya king mal a tronu.

Mateo 8:22

Oneng sinabi nang Jesus, Tuki ka kanaku at paburen mu na karing mete ing ikutkut da la ring karelang mete.

Marcos 9:1

At sinabi na pa karela, Tandanan yu ini: karing mapilan a atyu keti ating e takman king kamatayan anggang e re akit datang king mitmung kayupayan ing Kayarian ning Dios.

Juan 21:19

(Sinabi na iti ban ipabalu na nung makananu yang mate i Pedro at munie kaligayan king Dios.) Pangasabi na niti, nganang Jesus, Tuki ka kanaku!

Juan 21:21

Inyang ikit neng Pedro, kitang na kang Jesus, Ginu, nanu ing mapalyari king taung ini?

1 Corinto 11:26

Uling balang mangan kayu kaniting tinape at minum kaniting kopa, babalita yu ing kamatayan na ning Ginu angga king datang ya.

1 Corinto 4:5

Inya e kayu dapat mamatul kaninu man bayu miras ing oras. Manaya kayu angga king paniatang na ning Ginu a munie kamasalan karing mangalalam a lihim, at mibulalag king makasalikut dang parasan ding sablang tau. Kanita na tanggapan king Dios ning balang katau ing kapurian a mangaintulid keya.

1 Tesalonica 2:19

Ala kaming aliwang kapanayan nune mu ikayu. Ikayu ing kekaming tula at korona na ning tagumpe a apagmaragul mi arap ning Ginung Jesus potang datang yang pasibayu.

Santiago 5:7

Inya, mibabata kayu, kapatad, mibabata kayu angga king paniatang na ning Ginu. Lawan yu nung makananu yang manenayang mitmung kapibabatan ing metung a ortelanu bayu mikabungang maulaga ing gabun na. Mapibabata yang manenaya king mumuna at tauling uran.

Santiago 5:8

Sukat kayu namang mapibabata; e kayu paisira lub uling malapit na ing aldo nang paniatang ning Ginu.

Kapahayagan 1:7

Pakatandanan yu iti: datang ya libutad da ring biga. Akit de ring sabla at pati na detang tinandus keya. Tumangis la ding sablang bansa na ning yatu uli na ning depat da kang Jesu-Cristo. Iti ya ing katutuan! Amen.

Kapahayagan 2:25

Oneng ingatan yung masalese ing mayap a atyu kekayu angga king paniatang ku.

Kapahayagan 22:20

Ing patutu kareting bage sasabian na, Wa, tutu! Malapit na kung datang! Amen. Datang na ka sa, O Ginung Jesus!

Kapahayagan 22:7

Nganang Jesus, Makiramdam kayu! Daratang na ku! Mapalad la ding tutupad karing ula a makalaman kaniting libru!

Kapahayagan 3:11

Datang ku king malaguang panaun. Ingatan mu ing mayap a atyu keka ban e na asamsam ning ninuman ing kekang korona.