Juan 21:20 - Ing Mayap a Balita Biblia

²⁰ Melikid ya i Pedro at ikit ne king kagulutan na ing alagad a pakamalan nang Jesus; ya itang linapit king salu nang Jesus inyang mag-apunan la at kinutang, Ginu, ninu ing magtaksil keka?

Juan 21:20 Iomraidhean Croise

Mateo 26:46

Talakad na kayu, tara na. Lawan yu, oyni na ing taung magtaksil kanako!

Juan 20:2

Inya milayi ya at minta kang Simon Pedro at king aliwang alagad a pakamalan nang Jesus. Ngana karela, Kinua re king kutkutan ing Ginu at e mi balu nung nu re binili!

Juan 21:21

Inyang ikit neng Pedro, kitang na kang Jesus, Ginu, nanu ing mapalyari king taung ini?

Juan 21:24

Iti ya ing alagad a patutu tungkul kareting bage at ya naman ing sinulat kareti at balu mi king tutu ing sasabian na.

Juan 21:7

Ngana ning alagad a pakamalan nang Jesus kang Pedro, Ya ing Ginu! Panamdam nang Simon Pedro king ya pala ing Ginu, sinulud na ing imalan na (uling lubas ya) at linuksu ya king danum.