Juan 20:26 - Ing Mayap a Balita Biblia

²⁶ Pangalabas da ring walung aldo, makatipun lang pasibayu ding alagad king bale at kayabe re i Tomas. Makasara la ding pasbul, oneng linub ya i Jesus at tinalakad ya libutad da. Nganang Jesus karela, Kapayapan keko ngan.

Juan 20:26 Iomraidhean Croise

Isaias 26:12

Ginu, dinan mu keng kanawan; ing sablang kekeng akamtan bunga na ngan ning kekang daraptan.

Isaias 27:5

Nung buri da ring kalaban na ning kanakung balen ing kanakung pamagdipensa, sukat lang makikasundu kanaku. Wa, sukat lang makikasundu kanaku.

Isaias 54:10

Malyari lang mawala ding bunduk, at miyalis ding bunduk-bundukan, oneng ing tapat kung lugud keka kapilan man e miwakasan; tuparan ku king kapilan man ing pengaku kung kapayapan. Makanyan ing sasabian na ning Ginung malugud keka.

Mateo 17:1

Kalabas da ring anam a aldo, tiki neng Jesus i Pedro ampon ding mikapatad a Santiago at Juan; dela na la king metung a matas a bunduk nung nu la makapagdili-dili.

Marcos 16:14

Katataulian, pepakit ya i Jesus karing labing metung kabang mamangan la. Sebianan na la uli na ning keyalan dang kasalpantayanan at ning kesiasan dang buntuk, at uling e la bisang maniwala karing menakit keya kaybat nang sinubling mebie.

Lucas 24:36

Kabang babalita da pa iti karela, kabud-abud atyu i Jesus libutad da. Ngana karela, Kapayapan keko ngan!

Lucas 9:28

Kalabas da ring walung aldo kaybat na lang sinabi deting bage, tiki na lang minukiat Jesus di Pedro, Juan at Santiago king bunduk-bundukan ban manalangin.

Juan 11:16

I Tomas a mayayaus Kambal, sinabi na karing kalupa nang alagad, Tara, tukian ta ya ing Maestro ban nung mate ya, mate tamu munaman!

Juan 14:27

Ing kapayapan lalakuan ku kekayu; ing kanakung kapayapan babie ku kekayu, ing kapayapan a e na kalupa ning babie ning yatu. E kayu sukat mababalisa o mitakutan man.

Juan 20:19

Kanitang bengi na ning aldo mu ring ita, mitipun la ding alagad. Pakasara la ding pasbul king lugal nung nu la makatipun uli na ning takut da karing Judio. Dinatang ya i Jesus at tinalakad ya libutad da. Ngana karela, Kapayapan keko ngan.

Juan 20:21

Pasibayu nang sinabing Jesus karela, Kapayapan keko ngan. Nung makananu na kung tinubud ning Ibpa, makanyan da kayu namang tutubud.

Juan 21:1

Kaybat na nita, pasibayu yang pepakit i Jesus karing alagad na king pampang na ning Dagat-dagatan ning Tiberias. Pepakit ya king anti kaniting paralan.

Juan 21:14

Iti ya ing katlung pamipakit nang Jesus karing alagad kaybat nang sinubling mebie.

Ding Dapat 1:3

Kilub ding apat apulung aldo, kaybat ning kamatayan na, maralas yang pepakit karela king miyayaliwang paralan a e karaniwan bilang patutu king ya mabie ya. Ikit de at akasabi na la tungkul king Kayarian ning Dios.