Juan 20:25 - Ing Mayap a Balita Biblia

²⁵ Inya sinabi da ring aliwang alagad kang Tomas, Ikit mi ya ing Ginu! Nganang mekibat Tomas, E ku maniwala anggang e ku la akit ding bakas ding paku karing gamat na at itagkil ing taliri ku king bakas da ring paku at ing gamat ku king katalindikingan na.

Juan 20:25 Iomraidhean Croise

Job 9:16

At nung paintulutan na kung makiargu, e ku pa mu rin paniwalan ing makiramdam ya kaku.

Ding Dalit 22:16

Padurutnan da ku ding balamu asu, kukubkuban da ku ding e mayap a tau; gamat ku bisbus da la pati na ding bitis ku.

Ding Dalit 78:32

Agyamang makanyan na ing milyari, sinulung da pa mu rin ing karelang pamikasala; karing milagru pilit lang e bisang meniwala.

Mateo 27:42

Linigtas na la ding aliwang tau oneng e na aligtas ing sarili na! Ya kanu ing Ari ding Israelita! Nung kuldas ya ngeni king krus, maniwala kami keya!

Marcos 16:11

E re peniwalan inyang dimdam da kang Maria Magdalena king mabie ya i Jesus at king pepakit ya keya.

Marcos 16:13

Migbalik la Jerusalem at belita ra karing kayabe ra ing milyari, oneng e ra la munaman peniwalan.

Marcos 16:14

Katataulian, pepakit ya i Jesus karing labing metung kabang mamangan la. Sebianan na la uli na ning keyalan dang kasalpantayanan at ning kesiasan dang buntuk, at uling e la bisang maniwala karing menakit keya kaybat nang sinubling mebie.

Lucas 24:25

Kanita sinabi nang Jesus karela, Kapurul yu naman a isip! Angga ngeni e yu pa paniwalan ing sablang inula da ring propeta?

Juan 1:41

Kanita mu rin penintun neng Andres i Simon a kapatad na. Inyang ikit ne, sinabi na kang Simon, Atagpuan mi ya ing Mesiya (ngana wari, ing Cristo).

Juan 20:27

At saka na sinabi kang Tomas, Lawen mu la deng gamat ku at itagkil me keni ing taliri mu. Dala me keni ing gamat mu at itagkil me king katalindikingan ku. E na ka magalinlangan, maniwala na ka!

Juan 21:7

Ngana ning alagad a pakamalan nang Jesus kang Pedro, Ya ing Ginu! Panamdam nang Simon Pedro king ya pala ing Ginu, sinulud na ing imalan na (uling lubas ya) at linuksu ya king danum.

Juan 6:30

Ngara kang Jesus, Nanu ing milagrung arapat mu ban akit mi at maniwala kami keka? Nanu ing kekang daptan?

Hebreo 3:12

Kapatad, mingat kayu sana ban kanita alang mipapakarok kekayu, at e milako kasalpantayanan ban e ye lakuan ing Dios a mabie.

Hebreo 3:18

Inyang nganang miniumpa ning Dios, E la miras kapilan man king lugal ning kapaynawan a sidia ku para karela, ninu ding taung amanuan na? Aliwa wari detang mig-rebeldi laban keya?